________________ भगवई स. 9 उ. 31 643 धम्मंतराइयाणं कम्माणं खओवसमे णो कडे भवइ 3 एवं चरित्तावरणिज्जाणं 4 जयणावरणिज्जाणं 5 अज्झवसाणावरणिज्जाणं 6 आभिणिबोहियणाणावर. णिज्जाणं 7 जाव मणपज्जवणाणावरणिज्जाणं कम्माणं खओवसमे णो कडे भवई 10 जस्स णं केवलणाणावरणिज्जाणं जाव खए णो कडे भवइ 11 से णं असोच्चा केवलिस्स वा जाव केवलिपण्णत्तं धम्म णो लभेज्ज सवणयाए केवलं बोहि णो बुज्झेज्जा जाव केवलगाणं णो उप्पाडेज्जा, जस्स णं णाणावरणिज्जाणं कम्माणं खओवसमे कडे भवइ जस्स णं दरिसणावरणिज्जाणं कम्माणं खओवसमे कडे भवइ जस्स णं धम्मंतराइयाणं एवं जाव जस्स णं केवलणाणावरणिज्जाणं कम्माणं खए कडे भवइ से णं असोच्चा केवलिस्स वा जाव केवलिपण्णत्तं धम्म लभेज्ज सवगयाए केवलं बोहिं बुज्झेज्जा जाव केवलणाणं उप्पाडेज्जा // 364 // तस्स णं भंते ! छठंछठेणं अणिक्खित्तेणं तवोकम्मेणं उड्ढं बाहाओ पगि. ज्झिय पगिज्झिय सूराभिमुहस्स आयावणभूमीए आयावेमाणस्स पगइभद्दयाए पगइउवसंतयाए पगइपयणुकोहमाणमायालोभयाए मिउमद्दवसंपण्णयाए अल्लीणयाए भद्दयाए विणीयमाए अण्णया कयाइ सुभेणं अज्झवसाणेणं सुभेणं परिणामेणं लेस्साहिं विसुज्झमाणीहि 2 तयावरणिज्जाणं कम्माणं खओवसमेणं ईहापोहमग्गणगवसणं करेमाणस्स विभंगे णामं अण्णाणे समुप्पज्जइ, से णं तेणं विभंगणाणेणं समुप्पण्णेणं जहण्णेणं अंगुलस्स असंखेज्जइ भागं उक्कोसेणं असं. खेज्जाइं जोयणसहस्साइं जाणइ पासइ, से णं तेणं विभंगणाणेणं समुप्पण्णेणं जीवेवि जाणइ अजीवेवि जाणइ पासंडत्थे सारंभे सपरिग्गहे संकिलिस्समाणेवि जाणइ विसुज्झमाणेवि जाणइ से णं पुवामेव सम्मत्तं पडिवज्जइ सम्मत्तं पडि. वज्जित्ता समणधम्म रोएइ समणधम्म रोएत्ता चरित्तं पडिवज्जइ चरित्तं पडि. वज्जित्ता लिगं पडिवज्जइ, तस्स णं तेहिं मिच्छ तपज्जवेहि परिहायमाणेहि 2 सम्महसणपज्जवेहि परिवद्रमाणेहि 2 से विभंगे अण्णाणे सम्मत्तपरिग्गहिए खिप्पामेव ओही परावत्तइ // 365 // से णं भंते ! कइसु लेस्सासु होज्जा? गोयमा ! तिसु विसुद्धलेस्सासु होज्जा, तंजहा-तेउलेस्साए पम्हलेस्साए सुक्क. लेस्साए / से गं भंते ! कइसु णाणेसु होज्जा ? गोयमा ! तिसु आभिणिबो. हियंणाणसुयणाणओहिणाणेसु होज्जा / से णं भंते ! किं सजोगी होज्जा अजोगी होज्जा? गोयमा! सजोगी होज्जा णो अजोगी होज्जा, जइ सजोगी होज्जा कि मण
