________________ 626 अंग-पविट्ट सुत्ताणि सहस्साई समयऊणाई, एवं सव्वेसि सव्वबंधो एक्कं समय, देसबंधो जेसि णत्थि वेउव्वियसरीरं तेसि जहण्णेणं खुड्डागं भवग्गहणं तिसमयऊणं, उक्कोसेणे जा जस्स ठिई सा समयऊणा कायव्वा, जेसि पुण अस्थि वेउव्वियसरीरं तेसि देसबंधो जहण्णेणं एक्कं समयं, उक्कोसेणं जा जस्स ठिई सा समयऊणा कायव्वा जाव मणुस्साणं देसबंधे जहणेणं एक्कं समयं, उक्कोसेणं तिण्णि पलि. ओवमाइं समयऊणाई / ओरालियसरीरप्पओगबंधतरं गं भंते ! कालओ केवचिरं होइ ? गोयमा ! सव्वबंधतरं जहणेणं खड्डागं भवग्गहणं तिसमयऊणं, उक्कोसेणं तेत्तीसं सागरोवमाइं पुव्वकोडिसमयाहियाई, देसबंधंतरं जहण्णेणं एक्कं समयं, उक्कोसेणं तेत्तीसं सागरोवमाई तिसमयाहियाई / एगिदियओरालियपुच्छा, गोयमा ! सव्वबंधंतरं जहणेणं खड्डागं भवग्गहणं तिसमयऊणं, उक्कोसेणं बावीसं वाससहस्साई समयाहियाई, देसबंधतरं जहणेणं एक्कं समयं, उक्कोसेणं अंतोमुहत्तं / पुढविक्काइयएगिदियपुच्छा गोयमा ! सव्वबंधतरं जहेव एगिदियस्स तहेव भाणियव्वं, देसबंधंतरं जहण्णेणं एक्कं समयं, उक्कोसेन तिण्णि समया, जहा पुढविक्काइयाणं एवं जाव चरिंदियाणं वाउ. क्काइयवज्जाणं, णवरं सव्वबंधंतरं उक्कोसेणं जा जस्स ठिई सा समयाहिया कायब्वा, वाउक्काइयाणं सव्वबंधंतरं जहण्णेणं खुड्डागभवग्गहणं तिसमयऊणं, उक्कोसेणं तिणि वाससहस्साई समयाहियाई, देसबंधंतरं जहण्णेणं एवकं समयं, उक्कोसेणं अंतोमुत्तं / पंचिदियतिरिक्ख जोणियओरालियपुच्छा, गोयमा ! सव्वबंधंतरं जहण्णेणं खुड्डागभवग्गहणं तिसमयऊणं, उक्कोसेणं पुत्वकोडी समयाहिया, देसबंधतरं जहा एगिदियाणं तहा पंचिदियतिरिक्खजोणियाणं, एवं मणुस्साणवि शिरवसेसं भाणियव्वं जाव उक्कोसेणं अंतोमहत्तं / जीवस्स णं भंते ! एगिदियत्ते णोएगिदियत्ते पुणरवि एगिदियत्ते एगिदियओरालियसरीरप्पओगबंधंतरं कालओ केवच्चिर होइ ? गोयमा ! सव्वबंधतरं जहणेणं दो खड्डाई भवग्गहणाई तिसमयऊणाई, उक्कोसेणं दो सागरोवमसहरसाई संखेज्जवासमभहियाई, देसबंधतरं जहणेणं खुड्डागं भवग्गहणं समयाहियं, उक्कोसेणं दो सागरोवमसहस्साई संखेज्जवासमभहियाई / जीवस्स णं भंते ! पुढविक्काइयत्ते णोपुढविक्काइयत्ते पुणरवि पुढविक्काइयत्ते पुढविक्काइयएगिदिय ओरालियसरीरप्पओगबंधतरं कालओ केवच्चिरं होइ ? गोयमा! सव्वबंधतरं
