________________ 602 अंग-पविट्ठ सुत्ताणि सम्मईसणलद्धी मिच्छादसणलद्धी सम्मामिच्छादसणलद्धी / चरित्तलद्धी गं भंते ! कइविहा प० ? गोयमा ! पंचविहा प० तंजहा-सामाइयचरित्तलद्धी छेदोवट्ठावणियचरित्तलद्धी परिहारविसुद्धचरित्तलद्धी सुहुमसंपरायचरित्तलद्धी अहक्खायचरित्तलद्धी / चरित्ताचरित्तलद्धी गं भंते ! कइविहा प० ? गोयमा ! एगागारा 50, एवं जाव उवभोगलद्धी एगागारा प० / वीरियलद्धी गं भते ! कइविहा प० ? गोयमा ! तिविहा प०, तंजहा-बालवीरियलद्धी पंडियवीरि. यलद्धी बालपंडियवीरियलद्धी / इंदियलद्धी णं भंते ! कइ विहा प० ? गोयमा! पंचविहा प०, तंजहा-सोइंदियलद्धी जाव फासिदियलद्धी। णाणलद्धिया णं भंते ! जीवा कि गाणी अण्णाणी ? गोयमा ! णाणी णो अण्णाणी, अत्थेगइया दुग्णाणी, एवं पंच णाणाई भयणाए / तस्स अलद्धिया गं भंते ! जीवा कि णाणी अण्णाणी ? गोयमा ! णो णाणी अण्णाणी अत्थेगइया दुअण्णाणी अण्णाणाई भयणाए / आभिणिबोहियणाणलद्धिया गं भंते ! जीवा किं पाणी अण्णाणी ?. गोयमा ! णाणी णो अण्णाणी, अत्थेगइया दुष्णाणी चत्तारि णाणाई भयणाए / तस्स अलद्धिया गं भंते ! जीवा कि णाणी अण्णाणी ? गोयमा! णाणीवि अण्णाणीवि, जेणाणी ते णियमा एगणाणी केवलणाणी, जे अण्णाणी ते अत्थेगइया दुअण्णाणी तिण्णि अण्णाणाई भयणाए / एवं सुयणाणलद्धियावि, तस्स अलद्धियावि जहा आभि. णिबोहियणाणस्स लद्धिया। ओहिणाणलद्धियाणं पुच्छा ? गोयमा ! णाणी णो अण्णाणी, अत्थेगइया तिण्णाणी अत्थेगइया चउणाणी, जे तिण्णाणी ते आभि. णिबोहियणाणी सुयणाणी ओहिणाणी, जे चउणाणी ते आभिणिबोहियणाणी सुय० ओहि०मणपज्जवणाणी। तस्स अलद्धिया णं भंते ! जीवा कि णाणी० ? गोयमा ! णाणीवि अण्णाणीवि / एवं ओहिणाणवज्जाइं चत्तारि णाणाई तिष्णि अण्णाणाई भयणाए / मणपज्जवणाणलद्धियाणं पुच्छा, गोयमा ! णाणी णो अण्णाणी, अत्थेगइया तिग्णाणी अत्थेगइया चउणाणी, जे तिण्णाणी ते आभिणिबोहियणाणी सुयणाणी मणपज्जवणाणी, जे चउणाणी ते आभिणिबोहियणाणी सुयणाणी ओहिणाणी मणपज्जवणाणी, तस्स अलद्धियाणं पुच्छा, गोयमा ! णाणीवि अण्णाणीवि, मणपज्जवणाणवज्जाइं चत्तारि णाणाई, तिण्णि अण्णा. णाई भयणाए / केवलणाणलद्धिया णं भंते ! जीवा कि णाणी अण्णाणी ?
