________________ भगवई स. 8 उ. 2 599 सव्वभावेणं जाणइ पासइ, तंजहा-धम्मस्थिकायं जाव करेस्सइ ण वा करेस्सइ // 316 // कई विहे गं भंते ! गाणे पण्णत्ते ? गोयमा ! पंचविहे गाणे पण्णत्ते, तंजहा-आभिणिबोहियणाणे सुयणाणे ओहिणाणे मणपज्जवणाणे केवलणाणे / से किं तं आभिणिबोहियणाणे ? आभिणिबोहियणाणे चउविहे पण्णत्ते, तंजहा-उग्गहो ईहा अवाओ धारणा, एवं जहा रायप्पसेणइज्जे णाणाणं भेओ तहेव इह भाणियन्वो जाव सेत्तं केवलणाणे / अण्णाणे णं भंते ! कइविहे पण्णत्ते ? गोयमा ! तिविहे पण्णत्ते, तंजहा-मइअण्णाणे सुयअण्णाणे विभंगणाणे / से कि तं मइअण्णाणे ? 2 चउविहे पण्णत्ते, तंजहा-उग्गहो जाव धारणा / से कि तं उग्गहे ? 2 दुविहे पण्णत्ते, तंजहा-अत्थोग्गहे य बंजणोग्गहे य, एवं जहेव आभिणिबोहियणाणं तहेव, णवरं एगद्वियवज्जं जाव णोइंदियधारणा, सेत्तं धारणा सेत्तं मइअण्णाणे / से कि तं सुयअण्णाणे ? 2 जं इमं अण्णाणिएहि मिच्छाद्दिटिएहि जहा गंदीए जाव चत्तारि वेया संगोवंगा, सेत्तं सुयअण्णाणे ! से कि तं विभंगणाणे ? 2. अणेगविहे पण्णत्ते, तंजहागामसंठिए णयरसंठिए जाव संणिवेससंठिए दीवसंठिए समुद्दसंठिए वाससंठिए वासहरसंठिए पव्वयसंठिए रुक्खसंठिए थुभसंठिए हयसंठिए गवसंठिए णरसंठिए किणरसंठिए किंपुरिससंठिए महोरगसंठिए गंधव्वसंठिए उसभसंठिए पसुपसयविहगवाणरणाणासंठाणसंठिए पण्णत्ते / जीवा णं भंते ! कि णाणी अण्णाणी? गोयमा ! जीवा णाणीवि अण्णाणोवि, जेणाणी ते अत्थेगइया दुण्णाणी अत्यंगइया तिण्णाणी अत्थेगइया चउणाणी अत्थेगइया एगणाणी / जे दुण्णाणी ते आभिणिबोहियणाणी य सुयणाणी य, जे तिण्णाणी ते अभिणिबोहियणाणी सुयणाणी भोहिणाणी अहवा आभिणिबोहियणाणी सुयणाणी मणपज्जवणाणी, जे चउणाणी ते आभिणिबोहियणाणी सुयणाणी ओहिणाणी मणपज्जवणाणी, जे. एगणाणी ते णियमा केवलणाणी / जे अण्णाणी ते अत्थेगइया दुअण्णाणी अत्थे. गइया तिअण्णाणी, जे दुअण्णाणी ते मइअण्णाणी य सुयअण्णाणी य, जे तिअण्णाणी ते मइअण्णाणी सुयअण्णाणी विभंगणाणी / णेरइया णं भंते ! कि णाणी अण्णाणी ? गोयमा ! गाणीवि अण्णाणीवि / जे णाणी ते णियमा तिण्णाणी, तंजहा-आभिणिबोहि० सुयणाणी ओहिणाणी, जे अण्णाणी ते अत्थेगइया दुअण्णाणी अत्थेगइया तिअण्णाणी, एवं तिणि अण्णाणि भयणाए। असुरकुमारा गं भंते ! किं पाणी अण्णाणी ? जहेव रइया तहेव तिण्णि
