________________ 586 अंग-पविट्ट सुत्ताणि गसुद्धं अट्ठारसवंजणाउलं ओसहमिस्सं भोयणं भुजेज्जा तस्स गं भोयणस्स आवाए णो भद्दए भवइ, तओ पच्छा परिणममाणे 2 सुरूवत्ताए सुवण्णत्ताए जाव सुहत्ताए णो दुक्खत्ताए भुज्जो 2 परिणमइ, एवामेव कालोदाई ! जीवाणं पाणाइवायवेरमणे जाव परिग्गहवेरमणे कोहविवेगे जाव मिच्छादंस. णसल्लविवेगे तस्स णं आवाए णो भद्दए भवइ तओ पच्छा परिणममाणे 2 सुरूवत्ताए जाव णो दुक्खत्ताए भुज्जो 2 परिणमइ / एवं खलु कालोदाई ! जीवाणं कल्लाणा कम्मा जाव कज्जति // 30 // दो भंते ! पुरिसा सरिसया जाव सरिसभंडमत्तोवगरणा अण्णमण्णेणं सद्धि अगणिकायं समारंभंति तत्थ णं एगे पुरिसे अगणिकायं उज्जालेइ एगे पुरिसे अगणिकायं णिवावेइ, एएसि णं भंते ! दोण्हं पुरिसाणं कयरे पुरिसे महाकम्मतराए चेव महाकिरियतराए चेव महासवतराए चेव महावेयणतराए चेव कयरे वा पुरिसे अप्पकम्मतराए चेव जाव अप्पवेयणतराए चेव ?जे वा से पूरिसे अगणिकायं उज्जालेइ जे वा से पुरिसे अगणिकायं णिव्वावेइ ? कालोदाई ! तत्थ णं जे से पुरिसे अगणिकायं उज्जालेइ से णं पुरिसे महाकम्मतराए चेव जाव महावेयणतराए चेव, तत्थ णं जे से पुरिसे अगणिकायं णिव्वावेइ से णं पुरिसे अप्पकम्मतराए चेव जाव अप्पवेयणतराए चेव / से केणठेणं भंते ! एवं वुच्चइ-तत्थ णं जे से पुरिसे जाव अप्पवेयणतराए चेव ? कालोदाई ! तत्थ णं जे से पुरिसे अगणि. कायं उज्जालेइ से णं पुरिसे बहुतरायं पुढविक्कायं समारंभइ बहुतरायं आउ. कायं समारंभइ अप्पतरायं तेउकायं समारंभइ बहतरायं वाउकायं समारंभइ बहुतरायं वणस्सइकायं समारंभइ बहुतरायं तसकायं समारंभइ / तत्थ णं जे से पुरिसे अगणिकायं णिव्वावेइ से णं पुरिसे अप्पतरायं पुढविक्कायं समारंभइ अप्पतरायं आउक्कायं समारंभइ बहुतरायं तेउक्कायं समारंभइ अप्पतरायं वाउकायं समारंभइ अप्पतरायं वणस्सइकायं समारंभइ अप्पतरायं तसकायं समारं. भइ, से तेणठेणं कालोदाई ! जाव अप्पवेयणतराए चेव // 306 // अस्थि णं भंते ! अचित्तावि पोग्गला ओभासंति उज्जोवेति तवेंति पभासेंति ? हंता! अस्थि / कयरे णं भंते ! अचित्तावि पोग्गला ओभासंति जाव पभासेंति ? कालो. दाई | कुद्धरस अणगारस्स तेयलेस्सा णिसट्टा समाणी दूरं गया दूरं णिवयइ देसं गया देसं णिवयइ जहि-जहि च णं सा णिवयइ तहि-तहि च णं ते अचितावि पोग्गला ओभासंति जाव पभासंति, एएणं कालोदाई ! ते अचित्तावि
