________________ भगवई स. 7 उ. 7 575 सत्तमं सयं सत्तमो उद्देसो संवुडस्स णं भंते ! अणगारस्स आउत्तं गच्छ माणस्स जाव आउसं तुयदृमाणस्स आउत्तं वत्थं पडिग्गहं कंबलं पायपुंछणं गेण्हमाणस्स वा णिक्खिव. माणस्स वा तस्स णं भंते ! कि इरियावहिया किरिया कज्जइ संपराइया किरिया कज्जइ ? गोयमा ! संवडस्स गं अणगारस्स जाव तस्स गं इरियाव. हिया किरिया कज्जइ णो संपराइया किरिया कज्जइ / से केणठेणं भंते ! एवं वुच्चइ-संवुडस्स णं जाव संपराइया किरिया कज्जइ ? गोयमा ! जस्स गं कोहमाणमायालोमा वोच्छिण्णा भवंति तस्स णं इरियावहिया किरिया कज्जइ, तहेव जाव उस्सुत्तं रीयमाणस्स संपराइया किरिया कज्जइ, से गं अहासुत्तमेव रीयइ, से तेणठेणं गोयमा ! जाव णो संपराइया किरिया कज्जइ // 288 // रुवी भंते ! कामा अरूवी कामा ? गोयमा! रूवी कामा णो अरूवी कामा / सचित्ता भंते ! कामा अचित्ता कामा ? गोयमा ! सचित्ताविकामा अचित्तावि कामा। जीवा भंते ! कामा अजीवा कामा ? गोयमा ! जीवावि कामा अजीवावि कामा / जीवाणं भंते ! कामा अजीवाणं कामा? गोयमा ! जीवाणं कामा णो अजीवाणं कामा। कइविहा गं भंते ! कामा अण्णता ? गोयमा ! दुविहा कामा पण्णता, तंजहा-सहा य रूवा य / रूवी भंते ! भोगा अरूवी भोगा? गोयमा ! रूवी भोगा णो अरूवी भोगा। सचित्ता भंते ! भोगा अचित्ता भोगा ? गोयमा ! सचित्तावि भोगा अचित्तावि भोगा। जीवा भंते ! भोगा अजीवा भोगा? गोयमा ! जीवावि भोगा अजीवावि भोगा। जीवाणं भंते ! भोगा अजीवाणं भोगा? गोयमा ! जीवाणं भोगा णो अजीवाणं भोगा। कइविहा गं भंते ! भोगा पण्णत्ता ? गोयमा ! तिविहा भोगा पण्णत्ता, तंजहा-गंधा रसा फासा / कइविहा गं भंते ! कामभोगा पण्णत्ता ? गोयमा ! पंचविहा कामभोगा पण्णत्ता, तंजहासहा रूवा गंधा रसा फासा / जीवा गं भंते ! कि कामी भोगी ? गोयमा ! जीवा कामीवि भोगीवि / से केण→णं भंते ! एवं वुच्चइ जीवा कामीवि भोगीवि ? गोयमा ! सोइंदियचक्खिदियाइं पडुच्च कामी घाणिदियजिभिं- . दियफासिदियाई पडुच्च भोगी, से तेणद्वेणं गोयमा ! जाव भोगीवि /
