________________ भगवई स. 5 उ. 8 535 वणा वणसंडा वणराईओ परिग्गहियाओ भवंति देवउल सभ-पव-थूभ-खाइय. परिखाओ परिग्गहियाओ भवंति पागारअट्टालगचरियदारगोपुरा परिग्गहिया भवंति पासायघरसरणलेणआवणा परिग्गहिया भवंति सिंघाडगतिगचउक्कचच्चरचउम्मुहमहापहा परिग्गहिया भवंति सगडरहजाणजुग्गगिल्लिथिल्लिसीयसंदमाणियाओ परिग्गहियाओ भवंति लोहीलोहकडाहकडुच्छया परिग्गहिया भवंति भवणा परिग्गहिया भवंति देवा देवीओ मणुस्सा मणुस्सीओ तिरिक्खजो. गिआ तिरिक्खजोणिणीओ आसणसयणखंडभडसचित्ताचित्तमीसयाई दव्वाइं परिगहियाई भवंति से तेणठेणं 0 / जहा तिरिक्खजोणिया तहा मणुस्सावि माणियव्वा, वाणमंतरजोइसवेमाणिया जहा भवणवासी तहा णेयव्वा // 218 // पंच हेऊ पण्णत्ता, तंजहा-हेउं जाणइ हेउं पासइ हेउं बुज्झइ हेउं अभिसमागच्छइ हेउं छउमत्थमरणं मरइ / पंच हेऊ प०, तंजहा-हेउणा जाणइ जाव हेउणा छउमत्थमरणं मरइ / पंच हेऊ पण्णत्ता, तंजहा-हेउं ण जाणइ जाव हेउं अण्णाणमरणं मरइ / पंच हेऊ पण्णता, तंजहा-हेउणा ण जाणइ जाव हेउणा अण्णाणमरणं मरइ / पंच अहेऊ पण्णत्ता, तंजहा-अहेउं जाणइ जाव अहेउं केवलिमरणं मरइ / पंच अहेऊ पण्णत्ता, तंजहा-अहेउणा जाणइ जाव अहे उणा केवलिमरणं मरइ। पंच अहेऊ पण्णत्ता, तंजहा-अहेउं ण जाणइ जाव अहेउं छ उमत्थमरणं मरइ / पंच अहेऊ पण्णत्ता, तंजहा-अहेउणा ण जाणइ जाव अहेउणा छउमस्थमरणं मरइ / सेवं भंते | 2 ति // 216 // पंचमं सयं अट्ठमो उद्देसो तेणं कालेणं 2 जाव परिसा पडिगया। तेणं कालेणं 2 समणस्स 3 जाव अंतेवासी णारयपुत्ते णामं अणगारे पगइभद्दए जाव विहरइ / तेणं कालेणं 2 समणस्स 3 जाव अंतेवासी णियंठिपुत्ते णाम अण० पगइभद्दए जाव विहरइ, तए णं से णियंठिपुत्ते अण० जेणामेव णारयपुत्ते अणगारे तेणेव उवागच्छइ 2 णारयपुत्तं अण० एवं बयासी-सव्वा पोग्गला ते अज्जो ! कि सअड्रा समझा सपएसा उदाहु अणड्डा अमज्झा अपएसा? अज्जो ! त्ति णारयपुत्ते अणगारे णियंठि पुत्तं अणगारं एवं वयासी-सव्वपोग्गला मे अज्जो ! सअड्डा समज्झा सपएसा . णो अणड्डा अमज्झा अपएसा / तए णं से णियंठिपुत्ते अणगारे णारयपुत्तं अ० एवं वयासी-जइ णं ते अज्जो ! सव्वपोग्गला सअड्डा समज्झा सपएसा णो
