________________ 524 अंग-पविट्ठ सुत्ताणि उवगिण्हह अगिलाए भत्तेणं पाणेणं विणएणं वेयावडियं करेह, अइमुत्ते णं कुमारसमणे अंतकरे चेव अंतिमसरीरिए चेव / तए णं ते थेरा भगवंतो समणेणं भगवया म० एवं वृत्ता समाणा समणं भगवं महावीरं वंदंति णमंसंति अइमुत्तं कुमारसमणं अगिलाए संगिण्हंति जाव वेयावडियं करेंति // 187 // तेणं कालेणं 2 महामुक्काओ कप्पाओ महासग्गाओ महाविमाणाओ दो देवा महिड्डिया जाव महाणभागा समणत्स भगवओ महावीरस्स अंतियं पाउन्भया, तए णं ते देवा समणं भगवं महावीरं मणसा चेव वंदंति णमंसंति मणसा चेव इमं एयारूवं वागरणं पुच्छंति-कइ णं भंते ! देवाणुप्पियाणं अंतेवासीसयाई सिज्झिहिति जाव अंतं करेहिति ? तए णं समणे भगवं महावीरे तेहिं देवेहि मणसा पुढे तेसिं देवाणं मणसा चेव इमं एयारूवं वागरणं वागरेइ-एवं खलु देवाणप्पिया ! ममं सत्त अंतेवासीसयाई सिज्झिहिति जाव अंतं करेहिति / तए णं ते देवा समणेणं भगवया महावीरेणं मणसा पुढेणं मणसा चेव इमं एया. रूवं वागरणं वागरिया समाणा हद्वतुट्ठा जाव हयहियया समणं भगवं महावीरं बंदंति णमंसंति 2 ता मणसा चेव सुस्सूसमाणा णमंसमाणा अभिमुहा जाव पज्जुवासंति / तेणं कालेणं तेणं समएणं समणस्स भगवओ महावीरस्स जेठे अंतेवासी इंदभई णामं अणगारे जाव अदूरसामंते उड्ढंजाण जाव विहरइ / तए णं तस्स भगवओ गोयमस्स झाणंतरियाए वट्टमाणस्स इमेयारूवे अज्झथिए जाव समुप्पज्जित्था, एवं खलु दो देवा महिड्डिया जाव महाणुभागा समणस्स भगवओ महावीरस्स अंतियं पाउन्भूया तं णो खलु अहं ते देवे जाणामि कयराओ कप्पाओ वा सग्गाओ वा विमाणाओ वा कस्स वा अत्थस्स अट्टाए इहं हव्वमागया ? तं गच्छामि णं भगवं महावीरं वंदामि णमसामि जाव पज्जुवासामि इमाइं च णं एयारूवाइं वागरणाइं पुच्छिस्सामित्ति कट्ट एवं संपेहेइ 2 उढाए उठेइ 2 जेणेव समणे भगवं महा० जाव पज्जु. वासइ / गोयमाई ! समणे भगवं महावीरे भगवं गोयम एवं वयासी-से णूणं तव गोयमा ! झाणंतरियाए वट्टमाणस्स इमेयारूवे अज्झथिए जाव जेणेव ममं अंतिए तेणेव हग्वमागए से णणं गोयमा ! अत्थे समत्थे ? हंता! अस्थि, तं गच्छाहि णं गोयमा ! एए चेव देवा इमाइं एयारूवाइं वागरणाई वागरेहिति / तए णं भगवं गोयमे समणेणं भगवया महावीरेणं अब्भणुण्णाए
