________________ 514 अंग-पविट्ठ सुत्ताणि गोयमा ! पंचविहे इंदियविसए पण्णत्ते, तं०-सोइंदियविसए. जीवाभिगमे जोइसियउद्देसो णेयव्वो अपरिसेसो / से० 2 त्ति // 16 // तइयं सयं दसमो उद्देसो रायगिहे जाव एवं वयासो-चमरस्स गं भंते ! असुरिदस्स असुररणो कइ परिसाओ पण्णताओ ? गोयमा ! तओ परिसाओ पण्णत्ताओ, तंजहासमिया चंडा जाया, एवं जहाणुपुथ्वीए जावऽच्चुओ कप्पो / सेवं भंते ! 2 त्ति // 17 // नइयं सयं समत्तं // चउत्यं सयं पढमो बीओ तइओ चउत्थो उद्देसो।। चत्तारि विमाणेहि चत्तारि य होंति रायहाणीहि / रइए लेस्साहिय दस उद्देसा चउत्थसए // 1 // रायगिहे णयरे जाव एवं वयासी-ईसाणस्स णे भंते ! देविदस्स देवरणो कइ लोगपाला प० ? गोयमा! चत्तारि लोगपाला प०, तंजहा-सोमे जमे वेसमणे वरुणे / एएसि णं भंते ! लोगपालाणं कइ विमाणा प०? गोयमा ! चत्तारि विमाणा प०, तंजहा-सुमणे सव्वओभद्दे वग्ग सुवाग / कहि णं भंते ! ईसाणस्स देविदस्स देवरणो सोमस्स महारण्णो सुमणे णामं महाविमाणे पण्णत्ते ? गोयमा ! जंबूद्दीवे 2 मंदरस्स पव्वयस्स उत्तरेणं इमीसे रयणप्पभाए पुढवीए जाव ईसाणे णामं कप्पे पण्णत्ते, तत्य गं जाव पंचवडेंसया प०, तंजहा-अंकवडेंसए फलिहवडेंसए रयणव.सए जाय. रूववडेंसए मझे ईसाणवडेंसए / तस्स गं ईसाणवडेंसयस्स महाविमाणस्स पुरथिमेणं तिरियमसंखेज्जाइं जोयणसहस्साई वीईवइत्ता एत्थ णं ईसाण. स्स 3 सोमस्स 2 सुमणे णामं महाविमाणे पण्णत्ते अद्धतेरसजोयण० जहा सक्क. स्स वत्तव्वया तइयसए तहा ईसाणस्सवि जाव अच्चणिया समत्ता / चउण्हवि लोगपालाणं विमाणे 2 उद्देसओ, चउसुवि विमाणेसु चत्तरि उद्देसा अपरिसेसा, णवरं ठिईए णाणत्तं-आदिदुय तिभागणा पलिया धणयस्स होंति दो चेव / दो सतिभागा वरुणेपलियमहावच्चदेवाणं // 1 // 171 //
