________________ भगवई स. 3 उ. 2 497 अन्झथिए जाव समुप्पज्जित्था-णो खलु पभू चमरे असुरिंदे असुरराया गो खलु समत्थे चमरे असुरिंदे असुरराया जो खलु विसए चमरस्स असु. रिंदस्स असुररण्णो अपणो हिस्साए उड्ढं उप्पइत्ता जाव सोहम्मो कप्पो,णण्णत्थ अरिहते वा अरहंत चेइयाणि वा अणगारे वा भाविअप्पणो णीसाए उड्ढे उप्पयइ जाव सोहम्मो कप्पो / तं महादुक्खं खलु तहारूवाणं अरहंताणं भगवंताणं अण. गाराण य अच्चासायणाएत्तिकटु ओहिं पउंजइ 2 ममं ओहिणा आभोएइ 2 हा हा अहो हतोऽहमंसित्तिकटु ताए उक्किट्ठाए जाव दिव्वाए देवगईए बज्जस्स वीहि अणुगच्छमाणे 2 तिरियमसंखेज्जाणं दीवसमुद्दाणं मज्झमज्झेणं जाव जेणेव असोगवरपायवे जेणेव ममं अंतिए तेणेव उवागच्छइ 2 ममं चउ. रंगलमसंपत्तं वज्जं पडिसाहरइ, अवियाई मे गोयमा ! मूट्ठिवाएणं केसग्गे वोइत्था // 144 // तए णं से सक्के देविदे देवराया वज्जं पडिसाहरित्ता ममं तिक्खुत्तो आयाहिणं पयाहिणं करेइ 2 वंदइ णमंसइ 2 एवं वयासी-एवं खलु भंते ! अहं तुम्भं णीसाए चमरेणं असुरिदेणं असुररण्णा सयमेव अच्चासाइए, तए णं मए परिकुविएणं समाणेणं चमरस्स असुरिंदस्स असुररण्णो वहाए वज्जे णिसिठे, तए णं ममं इमेयारूवे अज्झथिए जाव सनुप्पज्जित्था-णो खलु पभू चमरे असुरिवे असुरराया तहेव जाव ओहिं पउंजामि देवाणुप्पिए ओहिणा आभोएमि हा हा अहो हओनीतिकटु ताए उक्किट्ठाए जाव जेणेव देवाणुप्पिए तेणेव उवागच्छामि देवाणुप्पियाणं चउरंगुलमसंपत्तं वज्ज पडिसाहरामि वज्जपडिसाहरणट्ठयाए णं इहमागए इह समोसढे इह संपते इहेव अज्ज उवसंप. ज्जित्ता णं विहरामि / तं खामेमि णं देवाणुप्पिया ! खमंतु णं देवाणुप्पिया ! खमंतु मरहंतु णं देवाणुप्पिया ! गाइभुज्जो एवं पकरणयाएत्तिक? ममं बंदइ णमंसइ 2 उत्तरपुरथिमं दिसीमागं अवक्कमइ 2 वामेणं पादेणं तिवखुतो भूमि दलेइ 2 चमरं असुरिदं असुररायं एवं वयासी-मुक्कोऽसि णं भो चमरा ! अबुरिदा ! असुरराया ! समणस्स भगवओ महावीरस्स पभावेणं णाहि ते दाणि ममाओ भयमत्थीतिकटु जामेव दिसि पाउन्भूए तामेव दिसि पडिगए // 14 // भंतेत्ति ! भगवं गोयमे समणं भगवं महावीरं वंदइ 2 एवं वयासी-देवे णं भंते ! महिड्डिए महज्जुईए जाव महाणुभागे पुव्वामेव पोग्गलं खिवित्ता पभू तमेव अणुपरियट्टित्ता णं गिहित्तए ? हंता पभू / से केणठेणं
