________________ भगवई स. 3 उ. 1 487 णमंसामो जाव पज्जुवासामो, अम्हाणं देवाणुप्पिया ! बलिचंचा रायहाणी अजिंदा अपुरोहिया अम्हेऽवि य णं देवाणुप्पिया ! इंदाहीणा इंदाहिटिया इंदाहोणकज्जा तं तुन्भे णं देवाणुप्पिया ! बलिचंचारायहाणि आढाह परियाणह सुमरह अह्र बंधह णियाणं पकरेह ठिइपकप्पं पकरेह, तए णं तुन्भे कालमासे कालं किच्चा बलिचंचारायहाणीए उववन्जिस्सह, तए णं तुब्भे अम्हं इंदा भविस्सह, तए णं तुब्भे अम्हेहिं सद्धि दिव्वाई भोगभोगाई भुंजमाणा विहरि स्सह / तए णं से तामली बालतवस्सी तेहि बलियंचारायहाणिवत्थव्वेहि बहूहि असुरकु नारेहिं देवेहि देवीहि य एवं वृत्ते समाणे एयमलैंणो आढाइ णो परियाणेइ तुसिणीए संचिट्ठइ / तए णं ते बलिवंवारायहाणिवत्थव्वया बहवे असुर. कुमारा देवा य देवीओ य तालि मोरियपुत्तं दोच्चपि तच्चपि तिक्खत्तो आयाहिणप्पयाहिणं करेंति 2 जाव अम्हं च णं देवाणप्पिया! बलिवंचारायः हाणी अणिदा जाव ठिइपकप्पं पफरेह जावं दोच्चंपि तच्वंपि, एवं वुत्ते समाणे जाव तुसिणीए संचिट्ठइ / तए णं ते बलिवंचारायहाणिवत्थव्वया बहवे असुरकुमारा देवा य देवीओ य तामलिणा बालतवस्सिणा अणाढाइज्जमाणा अपरियाणिज्जमाणा जामेव दिसि पाउब्भया तामेव दिसि पडिगया // 134 // तेणं कालेणं 2 ईसाणे कप्पे अणिदे अपुरोहिए यावि होत्या / तए णं से तामली बालतवस्सी बहुपडिपुण्णाई सढि वाससहस्साई परियागं पाउणित्ता दोमासियाए संलेहणाए अत्ताणं झूसिता सवीसं भत्तसयं अणसणाए छेदित्ता कालमासे कालं किच्चा ईसाणे कप्पे ईसाणवडिसए विमाणे उववायसभाए देवसयणिज्जसि देवदूसंतरिए अंगुलस्स असंखेज्जभागमेत्तीए ओगाहणाए ईसाणदेविंदविरहकालसमयंसि ईसाणदेविदत्ताए उववण्णे / तए णं से ईसाणे देविदे देवराया अहुणोववणे पंचविहाए पज्जत्तीए पज्जत्तिभावं गच्छइ, तंजहा-आहारप० जाव भासामणपज्जत्तीए / तए णं ते बलिचंचारायहाणिवत्थव्वया बहवे असुर. कुमारा देवा य देवीओ य तालि बालतवस्सि कालगयं जाणित्ता ईसाणे प कप्पे देविदत्ताए उववण्णं पासित्ता आसुरुत्ता कुविया चंडिक्किया मिसि. मिसेमाणा बलिचंचाराय० मज्झमज्झेणं णिग्गच्छंति 2 ताए उक्किदाए जाव जेणेव भारहे वासे जेणेव तामलिती णयरी जेणेव तामलिस्स बालतवस्सिस्स सरीरए तेणेव उवागच्छति वामे पाए संवेणं बंधंति 2
