________________ भगवई स. 3 उ. 1 481 इयं च णं पभू विउवित्तए ? गोयमा ! सक्के णं देविदे देवराया महिड्डिए जाव महाणभागे, से णं तत्थ बत्तीसाए विमाणावाससयसहस्साणं चउरासीए सामाणियसाहस्सीणं जाव चउण्हं चउरासीणं आयरक्ख (देव) साहस्सी अण्णेसिं च जाव विहरइ, एवंमहिड्डिए जाव एवइयं च णं पभू विकुवित्तए, एवं जहेव चमरस्स तहेव भाणियव्वं, गवरं दो केवलकप्पे जंबुद्दीवे 2 अदसेसं तं चेव, एस गं गोयमा ! सक्कस्स देविंदस्स देवरण्णो इमेयारूवे विसए विस. यमेत्ते णं बुइए णो चेव णं संपत्तीए विउव्विसु वा विउव्वइ वा विउव्विस्सइ वा // 128 // जइ णं भंते ! सक्के देविदे देवराया एमहिड्डिए जाव एवइयं च णं पभ विकुवित्तए // एवं खलु देवाणप्पियाणं अंतेवासी तीसए णाम अणगारे पगइभद्दए जाव विणीए छठंछट्टेणं अणिक्खित्तेणं तबोकम्मेणं अप्पाणं भावेमाणे बहुपडिपुण्णाई अट्ठ संवच्छराई सामण्णपरियागं पाउणित्ता मासियाए संलेहणाए अत्ताणं झूसेत्ता सटुिंभताई अणसणाए छेदेत्ता आलोइयपडिक्कते समाहिपत्ते कालमासे कालं किच्चा सोहम्मे कप्पे सयंसि विमाणंसि उववायसभाए देवसयणिज्जसि देवदूसंतरिए अंगुलस्स असंखेज्जइ. मागमेत्ताए ओगाहणाए सक्कस्स. देविदस्स देवरण्णो सामाणियदेवत्ताए उववण्णे, तए णं तीसए देवे अहुणोववण्णमेत्ते समाणे पंचविहाए पज्जत्तीए पज्जत्तिभावं, गच्छइ तंजहा-आहारपज्जत्तीए सरीर० इंदिय० आणपाणुपज्जत्तीए भासामण. पज्जत्तीए, तए णं तं तीसयं देवं पंचविहाए पज्जत्तीए पज्जत्तिभावं गयं समाणं सामाणियपरिसोववण्णया देवा करयलपरिग्गहियं दसणहं सिरसावत्तं मत्थए अंजलि कटु जएणं विजएणं वद्धाविति 2 एवं वयासी-अहो णं देवाणुप्पिए ! दिव्वा देविड्ढी दिव्वा देवज्जुई दिव्वे देवाणुभावे लद्धे पत्ते अभिसमण्णागए, जारिसिया णं देवाणुप्पिएहि दिव्वा देविड्डी दिव्वा देवज्जुई दिव्वे देवाणुभावे लद्धे पत्ते अभिसमण्णागए तारिसिया णं सक्केणं देविदेणं देवरण्णा दिव्वा देविड्ढी जाव अभिसमण्णागया, जारिसिया णं (सक्केणं देविदेणं देवरण। दिव्वा देविडढी जाव अभिसमण्णागया तारिसिया णं) देवाणुप्पिएहिं दिव्वा देविड्ढी जाव अभिसमण्णागया। से गं भंते ! तीसए देवे केमहिड्डिए जाव केवइयं च णं पभू विउवित्तए ? गोयमा ! महिड्डिए जाव महाणू भागे, से गं तत्थ सयस्स विमाणस्स चउण्हं सामाणियसाहस्सीणं चउण्हं अग्गमहिसीणं
