________________ 474 अगं-पविट्ठ सुत्ताणि जोयणसयसहस्सं आयामविक्खंभेणं जंबुद्दीवप्पमाणं, पागारो दिवढं जोयणसयं उड्ढं उच्चत्तेणं मूले पण्णासं जोषणाई विक्खंभेणं उरि अद्धतेरसजोयणा कविसीसगा अद्धजोयणआयाम कोसं विक्खंभेणं देसूणं अद्धजोयणं उड्ढं उच्चत्तेणं एगमेगाए बाहाए पंच 2 दारसया अड्डाइज्जाई जोयणसयाई 250 उड्ढे उच्चतेणं 125 अद्धं विक्खंभेणं उवरियलेणं सोलसजोयणसहस्साइं आयामविक्खंभेणं पण्णासं जोयणसहस्साई पंच य सत्ताणउयजोयणसए किंचिविसेसूणे परिक्खेवेणं सवप्पमाणं वेमाणियप्पमाणस्स अद्धं णेयव्वं, सभा सुहम्मा, उत्तरपुरस्थिमेणं जिणघरं तओ उववायसमा हरओ अभिसेयं० अलंकारो जहा विजयस्स। उववाओ संकप्पो अभिसेयविभूसणा य,ववसाओ। अच्चणिय सिद्धायण गमो घि धचमरपरिवार इवत्तं // 115 // बीयं सयं णवमो उद्देसी किमिदं भंते ! समयखेत्तेत्ति पच्चइ ? गोयमा ! अड्डाइज्जा दीवा दो य समुद्दा एस णं एवइए समयखेति पच्चइ / तत्थ णं अयं जंबुद्दीवे 2 सव्वदीवसमुहाणं सबभंतरे एवं जीवाभिगमवत्तव्वया णेयव्या जाव अभितरं पुक्खरद्धं जोइसविहूणं // 116 // बीयं सयं दसमो उद्देसो कइ णं भंते ! अस्थिकाया 50 ? गोयमा ! पंच अत्थिकाया प०, तंजहा-धम्मत्थिकाए अधम्मत्थिकाए आगासत्थिकाए जीवत्थिकाए पोग्गलत्थिकाए / धम्मत्थिकाए णं भंते ! कइवण्णे कइगंधे कइरसे. कइफासे ? गोयमा ! अवण्णे अगंधे अरसे अफासे अरूवी अजीवे सासए अवट्ठिए लोगदव्वे / से समासओ पंचविहे पण्णत्ते, तंजहा-दव्वओ खेत्तओ कालओ भावओ गुणओ। दवओ णं धम्मत्थिकाए एगे दव्वे, खेत्तओ णं लोगप्पमाणमेत्ते, कालओ ण कयाइ ण आसि ण कयाइ पत्थि जाव णिच्चे, भावओ अवण्णे अगंधे अरसे अफासे, गुणओ गमणगुणे / अहम्मत्थिकाएवि एवं चेव, णवरं गुणओ ठाणगुणे / आगासस्थिकाएविएवं चेव, णवरं खेत्तओ णं आगासत्थिकाए लोयालोयप्पमाणमेत्ते अणंते चेव जाव गुणओ अवगाहणागुणे / जीवत्थिकाए णं भंते ! कइवण्णे कइगंधे कइरसे कइफासे ? गोयमा ! अवण्णे जाव अरूवी
