________________ भगवई स. 2 उ. 5 471 समुप्पण्णकोउहल्ले अहापज्जत्तं समुदाणं गेण्हइ 2 रायगिहाओ णयराओ पडिणिक्खमइ 2 अतुरियं जाव सोहेमाणे जेणेव गुणसिलए चेइए जेणेव समणे भगवं महावीरे तेणेव उवा० सम० भ० महावीरस्स अदूरसामंते गमणागमणाए पडिक्कमइ एसणमणेसणं आलोएइ 2 भत्तपाणं पडिदंसेइ 2 समणं भ० महा. घोरं जाव एवं वयासी-एवं खलु भंते ! अहं तुहिं अब्भणुण्णाए समाणे रायगिहे णयरे उच्चणीयमज्झिमाई कुलाई घरसमुदाणस्स भिक्खायरियाए अडमाणे बहुजणसई णिसामेमि एवं खलु देवा० तुंगियाए णयरीए बहिया पुष्फवईए चेइए पासावच्चिज्जा थेरा भगवंतो समणोवासएहि इमाई एयारूवाइं वागरणाई पुच्छिया-संजमे णं भंते ! किंफले ? तवे किंफले ? तं चेव जाव सच्चे णं एसमठे णो चेव णं आयभाववत्तन्वयाए / तं पभू णं भंते ! ते थेरा भगवंतो तेसि समणोवासयागं इमाइं एयारूवाइं वागरणाई वागरित्तए उदाह अप्पम ? समिया णं भंते ! ते थेरा भगवंतो तेसि समणोवासयाणं इमाई एयारूवाई वागरणाई वागरित्तए उदाहु असमिया ? आउज्जिया णं भंते ! ते घेरा भगवंतो तेसि समणोवासयाणं इमाइं एयारूवाइं वागरणाइं वागरित्तए? उदाह अणाउज्जिया? पलिउज्जिया णं भंते ! ते थेरा भगवंतो तेसि समणोवासयाणं इमाई एयारूवाई वागरणाई वागरित्तए उदाहु अपलिउज्जिया ? पुव्वतवेणं अज्जो! देवा देवलोएसु उववज्जति पुव्वसंजमेणं कम्मियाए संगियाए अज्जो! देवा देवलोएस उववज्जति, सच्चे णं एसमठे णो चेव णं आयभाववत्तव्वयाए ? पभू णं गोयमा ! ते थेरा भगवंतो तेसि समणोवासयाणं इमाई एयारवाई वागरणाई वागरेत्तए, णो चेव णं अप्पम , तह चेव यवं अवसेसियं जाव पभ , समियं आउज्जिया पलिउज्जिया जाव सच्चे णं एसमठे जो चेव णं आयमाववत्तव्वयाए, अहंपिणं गोयमा ! एवमाइक्खामि भासेमि पण्णवेमि परूवेमि पुव्वतवेणं देवा देवलोएसु उववज्जति पुव्वसंजमेणं देवा देवलोएसु उववज्जंति, कम्मियाए देवा देवलोएसु उववज्जंति, संगियाए देवा देवलोएसु उववज्जति, पुव्वतवेणं पुण्वसंजमेणं कम्मियाए संगियाए अज्जो ! देवा देवलोएसु उववज्जंति, सच्चे गं एसमढे णो चेव णं आयभाववत्तव्वयाए // 110 // तहारूवं णं भंते ! समणं वा माहणं वा पज्जवासमाणस्स किंफला पज्जवासणा ? गोयमा ! सवणफला। से णं भंते ! सवणे किंफले ? णाणफले से गं भंते ! णाणे किंफले ? विण्णाणफले। से णं भंते ! विष्णाणे किंफले ?
