________________ भगवई स. 2 उ. 5 469 णुप्पिया! थेरे भगवते वंदामो णमंसामो जाव पज्जुवासामो, एयं णं इह भवे वा परभवे वा जाव आणुगामियत्ताए भर्भावस्सईतिकटु अण्णमण्णस्स अंतिए एयमठें पडिसुणेति 2 जेणेव सयाई 2 गिहाई तेणेव उवागच्छंति 2 हाया कयबलिकम्मा कयकोउय मंगल-पायच्छिता सुद्धप्पावेसाई मंगल्लाइं वत्थाई पवराई परिहिया अप्पमहग्घाभरणालंकियसरीरा सएहिं 2 गेहेहितो पडिणिक्ख. मंति 2 ता एगयओ मेलागंति 2 पायविहारचारेगं तुंगियाए णयरोए मज्झं. मज्झेणं णिग्गा छंति 2 जेणेव पुप्फवइए चेइए तेणेव उवागच्छंति 2 थेरे भगवंते पंचविहेणं अभिगमेणं अभिगच्छंति, तंजहा-सचित्ताणं दव्वाणं विउसरणयाए 1 अचित्ताणं दव्वाणं अविउसरणयाए 2 एगसाडिएणं उत्तरासंगकरणेणं 3 चक्खु. 'फासे अंजलिप्पग्गहेणं 4 मणसो एगतीकरणणं 5 जेणेव थेरा भगवंतो तेणेव उवागच्छंति 2 तिक्खुत्तो आयाहिणं पयाहिणं करेंति 2 जाव तिविहाए पज्जु. वासणाए पज्जुवासंति // 108 // तए णं ते थेरा भगवंतो तेसि समणोवासयाणं तीसे य महइमहालियाए चाउज्जामं धम्म परिकहेंति जहा केसिसामिस्स जाव समणोवासियत्ताए आणाए आराहए भवंति जाव धम्मो कहिओ। तए णं ते समणोवासया थेराणं भगवंताणं अंतिए धम्म सोच्चा णिसम्म हट्ट तुटू जाव हयहियया तिक्खुत्तो आयाहिणप्पयाहिणं करेंति 2 जाव तिविहार पज्जुवासणाए पज्जुवासंति 2 एवं वयासी-संजमे गं भंते ! किंफले ? तवे णं भंते ! किफले ? तए णं ते थेरा भगवंतो ते समणोवासए एवं वयासी-संजमे गं अज्जो ! अणण्हयफले तवे वोदाणफले। तए णं ते समणोवासया थेरे भगवंते एवं : वयासी-जइ णं भंते ! संजमे अणण्हयफले तवे वोदाणफले किंपत्तियं णं भंते ! देवा देवलोएसु उववज्जंति ? तत्य णं कालियपुत्ते णाम थेरे ते समणोवासए एवं वयासी-पुव्वतवेणं अज्जो ! देवा देवलोएसु उववज्जति, तत्थ णं मेहिले णाम थेरे ते समणोवासए एवं वयासी-पुव्वसंजमेणं अज्जो ! देवा देवलोएसु उव. बज्जति / तत्थ णं आणंदरक्खिए णाम थेरे ते समणोवासए एवं वयासी-कम्मिपाए अज्जो ! देवा देवलोएसु उववज्जति। तत्थ णं कासवे णाम थेरे ते समजोवासए एवं वयासी-संगियाए अज्जो ! देवा देवलोएसु उववज्जति / पुव्वतवेणं पुत्वसंजमेणं कम्मियाए संगियाए अज्जो ! देवा देवलोएसु उववति / सच्चे णं एस अट्ठे णो चेव णं आयभाववत्तव्वयाए। तए णं ते सम
