________________ भगवई स. 2 उ. 5 467 इत्थी इत्थिवेएणं उदिण्णणं पुरिसं पत्थेइ, पुरिसो पुरिसवेएणं उदिग्णेणं इतिथ पत्थेइ, दोवि ते अण्णमण्णं पत्थेति, तंजहा-इत्यी वा पुरिसं पुरिसे वा इत्थि // 66 // उदगगब्भे गं भंते ! उदगगब्भेत्ति कालओ केविच्चरं होइ ? गोंयमा ! जहण्णेणं एक्कं समयं उक्कोसेणं छम्मासा / तिरिक्खजोणियगन्भे णं भंते ! तिरिक्खजोणियगर्भत्ति कालओ केवच्चिरं होइ ? गोयमा ! जहण्णेणं अंतोमुहत्तं उक्कोसेणं अट्ठ संवच्छराई / मगुस्सीगन्भे गं भंते ! मगुस्सीगन्भेत्ति कालओ केवश्चिरं होइ ? गोयमा ! जहण्णेणं अंतोमुत्तं उक्कोसेणं बारस संवच्छराइं॥१०० // कायभवत्थे गं भंते ! कायभवत्थेत्ति कालओ केवच्चिरं होइ ? गोयमा! जहण्णेणं अंतोमहत्तं उक्कोसेणं चउव्वीसं संवच्छराइं॥१०१॥ मणुस्सपंचेंदियतिरिक्ख जोणियबीए गं भंते ! जोणियब्भूए केवइयं कालं संचिट्ठइ ? गोयमा ! जहण्णेणं अंतोमुहुतं उक्कोसेणं वारस मुहुता // 102 // एगजीवे गं भंते ! एगभवग्गहगेणं केवइयाणं पुतत्ताए हवनागच्छइ ? गोयमा ! जहण्णेणं इक्कस्स वा दोण्हं वा तिण्हं वा, उक्कोसेणं सयपुत्तस्स जीवाणं पुत्तताए हव्वमागच्छइ // 103 // एगजीवस्स गं भंते ! एगभवग्गहणेणं केवइया जीवा पुत्तताए.हव्वमागच्छंति ? गोयमा ! जहण्णेणं एक्को वा दो वा तिणि वा, उक्कोसेणं सयसहस्सपुहत्तं जीवा णं पुत्तताए हव्वमागच्छंति। से केणठेणं भंते ! एवं वुच्चइ-जाव हव्वमागच्छंति ? गोयमा ! इत्थीए य पुरिसस्स य कम्मकडाए जोणीए मेहुणवत्तिए णामं संजोए समुप्पज्जइ, ते दुहओ सिणेहं संचिणंति 2 तत्थ णं जहण्णेणं एक्को वा दो वा तिण्णि वा उक्कोसेणं सयसहस्सपुहत्तं जीवाणं पुत्तत्ताए हबमागच्छंति, से तेण?णं जाव हव्वमा. गच्छति // 104 // मेहुणे गं भंते ! सेवमाणस्स केरिसिए असंजमे कज्जइ ? गोयमा ! से जहाणामए केइ पुरिसे ज्यणालियं वा बूरणालियं वा तत्तेणं कणएणं समभिधंसेज्जा एरिसए णं गोयमा ! मेहुणं सेवमाणस्स असंजमे कज्जइ। सेवं भंते ! सेवं भंते ! जाव विहरइ // 105 // तए णं समणे भगवं महावीरे रायगिहाओ णयराओ गुणसिलाओ चेइयाओ पडिणिक्वमइ 2 बहिया जणघयविहारं विहरई / तेणं कालेणं 2 तुंगिया णामं णयरी होत्था वण्णओ, तीसे ‘णं तुंगियाए णयरीए बहिया उत्तरपुरस्थिमे दिसीमाए पुप्फवइए णामं चेइए होत्था, वण्णओ। तत्थ णं तुंगियाए णयरीए बहवे समणोवासया परिवसंति अड्डा
