________________ 383 समवाओ स०७० से 72 साओ // 69 // समणे भगवं महावीरे वासाणं सवीसइराए मासे वइकंते सत्तरिएहिं राईदिएहिं सेसेहिं वासावासं पज्जोसवेइ / पासे गं अरहा पुरिसादाणीए सत्तरि वासाई बहुपडिपुण्णाई सामण्णपरियागं पाउणित्ता सिद्धे बुद्धे जाव पहीणे / वासुपुज्जे णं अरहा सत्तरिं धणूई उई उच्चत्तेणं होत्था / मोहणिज्जस्सणं कम्मस्स सत्तरि सागरोवमकोडाकोडीओ अबाहणिया कम्मट्ठिई कम्मणिसेगे प० माहिं दस्स णं देविंदस्स देवरणो सत्तरं सामाणियसाहस्सीओ पण्णत्ताओ / / 70 // चउत्थस्स णं चदसंवच्छरस्स हेमंताणं एक्कसत्तरीए राइदिए हिं वीइकंतेहिं सव्वबाहिराओ मंडलाओ सूरिए आउटिं करेइ। वीरियप्पवायस्स णं पुवस्स एक्कसत्तर पाहुडा प० / अजिते गं अरहा एक्कसत्तरि पुव्वसयसहस्साई अगारमज्झे वसित्ता मुंडे भवित्ता जाव पव्वइए / एवं सगरो वि राया चाउरंतचक्कवट्टी एक्कसत्तरिं पुव्व जाव पव्वइए त्ति // 71|| बावत्तरिं सुवण्णकुमारावाससयसहस्सा प० / लवणस्स समुदस्स बावत्तरिणागसाहस्सीओ बाहिरियं वेलं धारंति / समणे भगवं महावीरे बावत्तरि वासाई सव्वाउयं पालइत्ता सिद्ध बुद्धे जाव प्पहीणे / थेरे णं अयलभाया वावत्तरि वासाइं सव्वाउयं पालइत्ता सिद्धे जाव प्पहीणे / अभितरपुक्खरद्धे णं बावत्तरि चंदा पभासिंसु वा पभासंति वा पभासिस्संति वा, बावत्तरि सूरिया तविंसु वा तवंति वा तविस्संति वा / एगमेगस्स णं रण्णो चाउरंतचकवट्टिस्स बावत्तरिपुरवरसाहस्सीओ पण्णत्ताओ। बावत्तरि कलाओ प० तं०-लेहं, गणियं, रूवं, णहूं, गीय, वाइयं, सरगयं, पुखरगयं, समतालं, जूयं, जणवाय, पोरेवचं, अट्ठावयं, दगमट्टियं, अण्णविहीं, पाणविहीं, वत्थविहीं, सयणविहीं, अज्जं, पहेलियं, मागहियं, : गाहं, सिलोग, गंधजुत्तिं, मधुसित्थं, आभरणविहीं, तरुणीपडिकम्म, इत्थीलक्खणं पुरिसलक्खणं, हयलक्खणं, गयलक्खणं, गोणलक्खणं, कुक्कुडलक्खणं, मिंढय - लक्खणं, चक्कलक्खणं, छत्तलक्खणं, दंडलक्खणं, असिलक्खणं, मणिलक्खणं, कागणिलक्खणं, चम्मलक्खणं, चंदलक्खणं, सूरचरियं, राहुचरियं, गहचरियं, सोभागकरं, दोभागकरं, विजागयं, मंतगयं, रहस्सगयं, सभासं, चारं, पडिचारं, वूह, पडिवूह, खंधावारमाणं, णगरमाण, वत्थुमाणं, खंधावारणिवेसं, वत्थुणिवेसं, णगर णिवेसं, ईसत्थं, छरुप्पवाय, आससिक्खं, हत्थिसिक्खं, धणुव्वेयं, हिरण्णपागं . सुवण्णपागं मणिपागं धातुपागं, बाहुजुद्धं दंडजुड़े मुट्ठिजुद्धं अद्विजुद्धं जुद्धं णिजुद्ध जुद्धाई जुद्धं, सुत्तखेडं णालियाखेडं,वट्टखेडं,धम्मखेडं,चम्मखेडं,पत्तच्छेज्ज, कडग
