________________ समवाओ स० 47 से 52 379 जया णं सूरिए सव्वभितरमंडलं उवसंकमित्ता णं चारं चरइ तया णं इहगयस्स मणूसस्स सत्तचत्तालीसं जोयणसहस्से हिं दोहि य तेवढेहिं जोयणसए हिं एकवीसाए य सट्ठिभागेहिं जोयणस्स सूरिए चक्खुमासं हव्वमागच्छइ / थेरेणं अग्गिभूई सत्तचत्तालीसं वासाई अगारमझे वसित्ता मुंडे भवित्ता अगाराओ अणगारियं पव्वइए / / 47 / / एगमेगस्स णं रण्णो चाउरंतचक्कवट्टिस्स अडयालीसं पट्टणसहस्सा प० / धम्मस्स णं अरहओ अडयालीसं गणा अडयालीसं गणहरा होत्था / सूरमंडले णं अडयालीसं एकसट्ठिभागे जोयणस्स विक्खंभेणं प० / / 48 / / सत्तसत्तमियाए णं भिक्खुपडिमाए एगूणपण्णाए राईदिए हिं छण्णउइ भिक्खासए णं अहासुत्तं जाव आराहिया भवइ / देवकुरुउत्तरकुरुएसु णं मणुया एगूणपण्णा राईदिए हिं संपण्ण. जोवणा भवंति / तेइंदियाणं उक्कोसेणं एगूणपण्णा राइंदिया ठिई प० // 49 // मुणिसुव्वयस्स णं अरहओ पंचासं अजियासाहस्सीओ होत्था / अणंते णं अरहा पण्णासं धणूई उद्धं उच्चत्तेणं होत्था / पुरिसुत्तमे णं वासुदेवे पण्णासं धणूई उडे उच्चत्तेणं होत्था / सव्वे वि णं दीहवेयड्डा मूले पण्णासं-पण्णासं जोयणाणि विक्खंभेणं प० / लंतए कप्पे पण्णासं विमाणावाससहस्सा प० / सम्बाओ णं तिमिस्सगुहाखंडगप्पवायगुहाओ पण्णासं-पण्णासं जोयणाई आयामेणं प० / सवे विणं कंचणगपवया सिहरतले पण्णासं-पण्णासं जोयणाई विक्खंभेणं प० // 50 // णवण्हं बंभचेराणं एकावण्णं उद्देसणकाला प० / चमरस्स णं असुरिंदस्स असुररणो सभा सुहम्मा एकावण्णखंभसयसंणिविट्ठा प० / एवं चेव बलिस्स वि / सुप्पभे णं बलदेवे एकावणं वाससयसहस्साई परमाउं पालइत्ता सिद्धे बुद्धे जाव सम्वदुक्खप्पहीणे / दसणावरण. णामाणं दोण्हं कम्माणं एकावणं उत्तरकम्मपयडीओ पण्णत्ताओ / / 51 / / मोह. णिज्जस्स णं कम्मस्स बावणं णामधेजा प०, तं०-कोहे, कोवे, रोसे, दोसे, अखमा, संजलणे, कलहे, चंडिके, भंडणे, विवाए, माणे, मदे, दप्पे, थंभे, अत्तुक्कोसे, गवे, परपरिवाए, अक्कोसे, अवक्कोसे (परिभवे), उण्णए, उण्णामे, माया, उवही, णियडी, बलए, गहणे, णूमे, कके, कुरुए, दंभे, कूडे, जिम्हे, किब्बिसे, अणायरणया, गूह. णया, वेचणया, पलिकुंचणया, साइजोगे, लोभे, इच्छा, मुच्छा, कंखा, गेही, तिण्हा, भिजा, अभिजा, कामासा, भोगासा, जीवियासा, मरणासा, गंदी, रागे / गोथूभस्स णं आवासपब्वयस्स पुरथिमिल्लाओ चरमंताओ वलयामुहस्स महापायालस्स पञ्चत्थिमिल्ले चरमंते एस णं बावणं जोयणसहस्साइं अबाहाए अंतरे प० /
