________________ समवाओ स०१८ 359 केवलिमरणे वेहासमरणे गिद्ध पिट्ठमरणे भत्तपञ्चक्रवाणमरणे इंगिणिमरणे पाओवगमणमरणे / सुहमसंपराए णं भगवं सुहमसंपरायभावे वट्टमाणे सत्तरस कम्मपगडीओ णिबंधइ,तं०-आभिणिबोहियणाणावरणे सुयणाणावरणे ओहिणाणावरणे मणपज्जव णाणावरणे केवलणाणापरणे चक्खुदंसणावरणे अचक्खुदंसणावरणे ओहिदंसणावरणे केवलदसणावरणे सायावेयणिज्ज जसोकित्तिणाम उच्चागोयं दाणंतराय लाभतराय भोगंतराय उवभोगंतररायं वीरियअंतरायं / इमीसे णं रयणप्पभाए पुढवीए अत्थेगइयाणं णेरइयाणं सत्तरस पलिओवमाई ठिई प० / पंचमीए पुढवीए अत्थेगइयाणं णेरइयाणं उकोसेणं सत्तरस सागरोवमाई ठिई प०। छट्टीए पुढवीए अत्थेगइयाणं णेरइयाणं जहणणेणं सत्तरस सागरोवमाई ठिई प० / असुरकुमाराणं देवाणं अत्थे. गइयाणं सत्तरस पलिओवमाई ठिई प० / सोहम्मीसाणेसु कप्पेसु अत्थेगइयाणं देवाणं सत्तरस पलिओवमाइं ठिई प० / महासुक्के कप्पे देवाणं उक्कोसेणं सत्तरस सागरोवमाई ठिई प० / सहस्सारे कप्पे देवाणं जहण्णेणं सत्तरस सागरोवमाई ठिई प० / जे देवा सामाणं सुसामाणं महासामाणं परमं महापउमं कुमुदं महाकुमुदं गलिणं महाणलिणं पोंडरीअं महापोंडरीअं सुकं महासुकं सीहं सीहकंतं सीहवीअं भाविअं विमाणं देवत्ताए उबवण्णा तेसि णं देवाणं उक्कोसेणं सत्तरस सागरोवमाई ठिई प० / ते णं देवा सत्तरसहिं अद्धमासेहिं आणमंति वा पाणमंति वा उस्ससंति वा णीसमंति वा / तेसि णं देवाणं सत्तरसहिं वाससहस्से हिं. आहारट्टे समुप्पज्जइ / संतेगइ या भव सिद्धिया जीवा जे सत्तरसहिं भवग्गहणेहिं सिन्झिस्संति बुज्झिस्संति मुच्चिस्संति परिणिव्वाइस्मति सव्वदुक्खाणमंतं करिस्संति / / 17 // अट्ठारसविहे बंभे 50, तं०-ओरालिए कामभोगे णेव सयं मणेणं सेवइ, णो वि अण्णं मणेणं सेवा. वेइ; मणेणं सेवंतं पि अण्णं ण समशुजागाइ ओरालिए कामभोगे णेव संयं वायाए सेवइ, णो वि अण्णं वायाए सेवावेइ, वायाए सेवंतं पि अण्णं ण समणुजाणाइ, ओरालिए कामभोगे णेव संयं काएणं सेवइ, णो वि यऽणं काएणं सेवावेइ, कारणं सेवंतं पि अण्णं ण समगुजाणाइ, दिव्वे कामभोगे णेव सयं मणेणं सेवइ, णो वि अण्ण मणेणं सेवावेइ, मणेणं सेवंत पि अण्णं ण समणुजाणाइ, दिव्वे कामभोगे णेव सयं वायाए सेवइ, णो वि अण्णं वायाए सेवावेइ, वायाए सेवंतं पि अण्णं ण समणुजाणाइ, दिव्वे कामभोगे णेव सयं कारणं सेवइ, णो वि अण्णं कारणं सेवावेइ, कारणं सेवंतं पि अण्णं ण समणुजाणाइ / अरहओ णं अरिट्ठणेमिस्स
