________________ समवाओ स० 14 355 लोगसिंगं लोगसिट्ठ लोगकूडं लोगुत्तरवडिंसगं विमाणं देवत्ताए उववण्णा तेसि णं देवाणं उक्कोसेणं तेरस सागरोवमाई ठिई प० / ते णं देवा तेरसहिं अद्धमासेहिं आणमंति वा पाणमंति वा उस्ससंति वा णीससंति वा / तेसि णं देवाणं तेरसहिं वाससहस्सेहिं आहारटे समुप्पज्जइ / संतेगइया भवसिद्धिया जीवा जे तेरसहिं भवग्गहणेहिं सिन्झिस्संति बुज्झिस्संति मुचिस्संति परिणिव्वाइस्संति सव्वदुक्खाणमंतं करिस्संति / / 13 / / चउद्दस भूअग्गामा प०, तं०-सुहुमा अपज्जत्तया सुहमा पजत्तया बादरा अपज्जत्तया बादरा पज्जत्तया बेइं दिया अपज्जत्तया बेइं दिया पज्जत्तया तेंदिया अपजत्तया तेंदिया पन्जत्तया चउरिंदिया अपजत्तया चउरिंदिया पज्जत्तया पंचिंदिया असण्णिअपज्जत्तया पंचिंदिया असण्णिपज्जत्तया पंचिंदिया सण्णिअपज्जत्तया पंचिंदिया संण्णिपज्जत्तया / चउदस पुव्वा प० तं०-उप्पायपुव्वमग्गेणियं च तइयं च वीरियं पुत्वं / अत्थीणत्थि पवायं तत्तो णाणप्पवायं च // 1 / / सच्चप्पवायपुव्वं तत्तो आयप्पवायपुव्वं च / कम्मप्पवायपुव्वं पच्चक्खाणं भवे णवमं / / 2 / / विजाअणुप्पवायं अबंझ पाणाउ बारसं पुव्वं / तंत्तो किरियविसालं पुव्वं तह बिंदुसारं च // 3 // अग्गेणीअस्स णं पुव्वस्स चउद्दस वत्यू प० / समणस्स णं भगवओ महावीरस्स चउद्दस समणसाहस्सीओ उक्कोसिया समणसंपया होत्था / कम्मविसोहि. मग्गणं पडुच्च चउद्दस जीवट्ठाणा प०, तं०-मिच्छदिट्ठी सासायणसम्मदिट्ठी सम्मामिच्छदिट्ठी अविरयसम्महिट्ठी विरयाविरए पमत्तसंजए अप्पमत्तसंजए णियट्टि. बायरे अणियट्टिबायरे सुहुमसंपराए उवसामए वा खवए वा उवसंतमोहे खीण. मोहे सजोगीकेवली अजोगीकेवली / भरहेरवयाओ णं जीवाओ चउद्दस-चउद्दम जोयणसहस्साई चत्तारि य एगुत्तरे जोयणसए छच्च एगूणवीसे भागे जोयणस्स आयामेणं प० / एगमेगस्स णं रंण्णो चउरंतचकवट्टिस्स चउद्दस रयणा प०, तं0इत्थीरयणे सेणावइरयणे गाहावइरयणे पुरोहियरयणे वडइरयणे आसरयणे हत्थिरयणे असिरयणे दंडरयणे चक्करयणे छत्तरयणे चम्मरयणे मणिरयणे कागिणिरयणे। जंबुद्दीवे णं दीवे चउद्दस महाणईओ पुब्बावरेणं लवणसमुई समप्पेंति, तं०-गंगा सिंधू रोहिया रोहिअंसा हरी हरिकंता सीया सीओया णरकंता णारिकता सुवण्णकूला रुप्पकला रत्ता रत्तवई / इमीसे णं रयणप्पभाए पुढवीए अत्थेगइयाणं णेरइयाणं च उद्दस पंलिओवमाई ठिई प० / पंचमीए णं पुढवीए अत्यंगइयाणं णेरइयाणं चउद्दस सागरोवमाई ठिई प० / असुरकुमाराणं देवाणं अत्थेगइयाणं
