________________ 311 अट्ठमं ठाणं अहिं ठाणेहिं संपण्णे अणगारे अरिहइ एगल्लविहारपडिम उवसंपज्जित्ताणं विहरित्तए तं. सड्डी पुरिसजाए सच्चे पुरिसजाए मेहावी पुरिसजाए बहुस्सुए पुरिसजाए सत्तिमं अप्पाहिगरणे धिइमं वीरियसंपण्णे // 1 // अट्ठविहे जोणिसंगहे प० त० अंडया पोयया जाव उब्भिया उववाइया / अंडया अट्ठगइया अट्ठागइया प० तं. अंडए अंडएसु उववज्जमाणे अंडएहिंतो वा जाव उववाइएहिंतो वा उववजेजा, से चेव णं से अंडए अंडगत्तं विप्पजहमाणे अंडगत्ताए वा पोयगत्ताए वा जाव उववाइयत्ताए. वा गच्छेज्जा / एवं पोययावि जराउयावि सेसाणं गइरागई णत्थि // 2 // जीवा णं अट्ठ कम्मपयडीओ चिणिंसु वा चिणंति वा चिणिस्संति वा तं. णाणावरणिज्जं दरिसणावरणिज्ज वेयणिज्जं मोहणिज आउयं णामं गोत्तं अंतराइयं / णेरइया णं अट्ठ कम्मपयडीओ चिणिंसु वा 3 एवं चेव, एवं णिरंतरं जाव वेमाणियाणं 24 / जीवाणमट्ठकम्मपयडीओ उवचिणिंसु वा 3 एवं चेव एवं चिणउवाचण-बंध-उदीर-वेय-तह-णिजरा चेव, एए छ चउवीसा दंडगा भाणियव्वा // 3 // अट्ठहिं ठाणेहिं माई मायं कटु णो आलोए जा णो पडिक्कमज्जा जाव णो पडिवज्जेज्जा, तं० करिंसु वाऽहं करेमि वाऽहं करिस्सामि वाऽहं अकित्ती वा मे सिया अवण्णे वा मे सिया अविणए वा मे सिया कित्ती वा मे परिहाइस्सइ जसे वा मे परिहाइस्सइ, अट्ठहिं ठाणेहिं माई मायं कटु आलोए जा जाव पडिवजेजा तं० माइस्स णं अस्सिं लोए गरहिए भवइ उववाए गरहिए भवइ आयाई गरहिया भवइ एगमवि माई मायं कटु णो आलोएज्जा जाव णो पडिवजेज्जा णत्थि तस्स आराहणा एगमवि माई मायं कटु आलोएज्जा जाव पडिवजेज्जा अत्थि तस्स आराहणा बहुओवि माई मायं कटु णो आलोएज्जा जाव णो पडिवज्जेज्जा णत्थि तस्स आराहणा बहुओवि माई मायं कटु आलोएजा जाव अत्थि तस्स आराहणा आयरियउवज्झायस्स वा मे अइसेसे णाणदंसणे समुपज्जेज्जा, से तं मममालोएजा माई णं एसे माई णं मायं कटु से जहा णामए अयागरेइ वा तंबागरेइ वा तउआगरेइ वा सीसागरेइ वा रुप्पागरेइ वा सुवण्णागरेइ वा तिलागणीइ वा तुसागणीइ वा बुसांगणीइ वा णलागणीइ वा दलागणीइ वा सोंडियालिच्छाणि वा भंडियालिच्छाणि वा गोलियालिच्छाणि वा कुंभारावाएइ वा कवेल्लुआवाएइ वा इट्टावाएइ
