Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 304

ठाणं ठा. 5 उ. 3 एगिदिया जाव पंचिंदिया / एगिंदिया पंचगइया पंचागइया प० तं० एगिदिए एगिदिएसु उववज्जमाणे एगिदिए हिंतो वा जाव पंचिंदिए हिंतो वा उववज्जेज्जा से चेव णं से एगिदिए एगिदियत्त विप्पजहमाणे एगिदियत्ताए वा जाव पंचिंदियत्ताए वा गच्छेज्जा। बेइंदिया पंचगइया पंचागइया एवं चेव / एवं जाव पंचिंदिया पंचगइया पंचागइया प० तं० पंचिं दिया जाव गच्छेज्जा / / 54 // पंचविहा सव्वजीवा प० तं० कोहकसाई जाव लोभकसाई अकसाई / अहवा पंचविहा सव्वजीवा प० तं. णेरइया जाव देवा सिद्धा। अह भंते ! कलमसूरतिलमुग्गमासणिप्फावकुलस्थआलिसंदगसईणपलिमंथगाणं एएसि णं धण्णाणं कुट्ठाउत्ताणं जहा सालीणं जाव केवइयं कालं जोणी संचिट्ठइ ? गोयमा ! जहण्णेणं अंत मुहुत्तं उक्कोसेणं पंच संवच्छराई, तेण परं जोणी पमिलायइ जाव तेण परं जोणीवोच्छेदे पण्णत्ते // 55 / / पंच संवच्छरा प० तं० णक्वत्तसंवच्छरे जुगसंवच्छरे पमाणसंवच्छ रे लक्खणसंवच्छरे सणिंचरसंवच्छरे / जुगसंवच्छरे पंचविहे प० तं० चंदे चंदे अभिवदिए चंदे अभिवड्डिए चेव / पमाणसंवच्छरे पंचविहे प० तं० णखत्ते चंदे उऊ आइच्चे अभिवड्डिए / लक्खणसंवच्छरे पंचविहे प० तं० समगं णक्खत्ता जोगं जोयंति समगं उऊ परिणमंति; णच्चुण्हं णाइसीओ बहूदओ होइ णखत्ते (1) ससिसगलपुण्णमासी जोएइ विसमचारिणखत्ते कडुओ बहूदओ या तमाहु संवच्छरं चंद(२)विसमं पवालिणो परिणमंति; अणुसु देंति पुप्फफलं; वासं ण सम्म वासइ तमाहू संवच्छरं कम्मं (3) पुढविदगाणं तु रसं पुप्फफलाणं तु देइ आदिच्चो; अप्पेण वि वासेणं सम्मं णिप्फजए सस्सं (4) आइञ्चतेयतविया खणलव दिवसा उऊ परिणमंति; पूरिंति रेणुथलयाई, तमाहु अभिवड्डियं जाण (5) / 56 / / पंचविहे जीवस्स णिज्जाणमग्गे प० तं० पाएहिं ऊरूहिं उरेणं सिरेणं सव्वंगेहिं / पाए हिं णिजाणमाणे णिरयंगामी भवइ ऊरूहि णिजाणमाणे तिरियगामी भवइ उरेणं णिज्जाणमाणे मणुयगामी भवइ सिरेणं णिज्जाणमाणे देवगामी भवई सव्वं. गेहिं णिजाणमाणे सिद्धिगइपज्जवसाणे पण्णत्ते / पंचविहे छेयणे प० त० उम्पायच्छेयणे वियच्छेयणे बंधच्छेयणे पएसच्छेयणे दोधारच्छेयणे / पंचविहे आणंतरिए प०० उप्पायणंतरिए वियणंतरिए पएसाणंतरिए समयाणंतरिए सामण्णाणंतरिए / पंचविहे अणंते प० तं० णामणंतए ठवणाणंतए दव्वाणंतए गणणाणंतए पए. साणंतए / अहवा पंचविहे अणंतए प० तं० एगओऽणतए दुहओणंतए देस