________________ ठाणं ठा. 4 उ. 4 276 मायावत्तिया, अपच्चकण्वाणकिरिया / सम्महिटियाणमसुरकुमाराणं चत्तारि किरियाओ प० त० एवं चेव / एवं विगलिंदियवज्ज जाव वेमाणियाण।।१७७||चउहिं ठाणेहिं संते गुणे णासेज्जा तं० को हेणं पडिणिवेसेणं, अकयण्णुयाए, मिच्छत्ताहिणिवेसेणं / चउहिं ठाणेहिं संते गुणे दीवेज्जा तं• अब्भासवत्तियं परच्छंदाणुवत्तिय,कज हेडं, कयपडिकइएइ वा। णेरइयाणं चउहिँ ठाणेहिं सरीरुप्पत्ती सिया तं० को हेणं माणेणं मायाए लोभेणं,एवं जाव वेमाणियाणं / गेरइयाणं च उठाणणिवत्तिए सरीरे प०२० कोहणिव्वत्तिए जाव लोभणिव्वत्तिए, एवं जाव वेमाणियाणं। चत्तारि धम्मदारा प० तं० खंती मुत्ती अन्ज महवे // 178 // चउहिं ठाणेहिं जीवा णेरइयत्ताए कम्मं पकरेंति तं० महारंभयाए, महापरिग्गयाए पंचिंदियवहेणं कुणिमाहारेणं / चउहिं ठाणेहिं जीवा तिरिक्वजोणियत्ताए कम्मं पगरेंति तं० माइल्लयाए.णियडिल्याए अलियवयणेणं कूडतुलकूडमाणेणं। चउहिँ ठाणेहिं जीवा मगुस्सत्ताए कम्मं पगति तं० पगइ. भद्दयाए पगइविणीययाए साणुकोसयाए अमच्छरियाए / चउहि ठाणेहिं जीवा देवाउयत्ताए कम्मं पगरेंति तं० सरागसंजमेणं संजमासंजमेणं बालतवोकम्मेणं अकामणिज्जराए॥१७९॥चउबिहे वजे प० तं० तते वितते घणे झुसिरे / चउबिहे णट्टे प० तं० अंचिए रिभिए आरभडे भिसोले / चउबिहे गेए प० तं० उक्वित्तए पत्तए मंदए रोविंदए / चउबिहे मल्ले प० तं० गंथिमे वेढिमे पूरिमे संघाइमे / चउबिहे अलंकारे प० तं० केसालंकारे वत्थालंकारे मल्लालंकारे आभरणालंकारे / चउविहे अभिणए प० तं० दिटुंतिए पाडंसुए सामंतोवायणिए लोगमज्झावसिए // 180|| सणंकुमारमाहिंदेसु णं कप्पेसु विमाणा चउवण्णा प० त० णीला लोहिया हालिद्दा सुकिला / महासुक्कसहस्सारेसु णं कप्पेसु देवाणं भवधारणिज्जा सरीरगा उकोसेणं चत्तारि रयणीओ उड़े उच्चत्तेणं पण्णत्ता / / 181 // चत्तारि उदगगब्भा प० तं. उस्सा महिया सीया उसिणा, चत्तारि उदगगब्भा प० तं० हेमगा अन्भसंथडा सीओसिणा पंचरूविया। माहे उ हेमगा गम्भा फग्गुणे अब्भसंथडा, सीओसिणा उ चित्ते, वइसाहे पंचरूविया (1) चत्तारि मणुस्सीगब्भा प० त० इत्थित्ताए परिम. त्ताए णपुंसगत्ताए बिंबत्ताए / अप्पं सुकं बहुं ओयं इत्थी तत्थ पजायइ, अप्पै ओयं बहुं सुकं पुरिसो तत्थ पजायइ (1) दोण्हं पि रत्तसुक्काणं, तुल्लभावे णपुंसओ; इत्थीओयसमाओगे, बिंबं तत्थ पजायइ (2) // 182 // उप्पायपुव्वस्स णं
