________________ 274 अंग-पविट्ट सुत्ताणि एगे 4 / चत्तारि तरगा प० तं० समुहूं तरित्ता णाममेगे समुद्दे विसीयइ, समुई तरित्ता णाममेगे गोप्पए विसीयइ 4 // 166 // चत्तारि कुंभा प० तं० पुण्णे गाममेगे पुण्णे पुणे णाममेगे तुच्छे तुच्छे णाममेगे पुण्णे तुच्छे णाममेगे तुच्छे, एवामेव चत्तारि पुरिसजाया प० त० पुण्णे णाममेगे पुण्णे 4 / चत्तारि कुंभा प० तं० पुण्णे णाममेगे पुण्णोभासी, पुण्णे णाममेगे तुच्छोभासी 4; एवामेव चत्तारि पुरिसजाया प० तं० पुण्णे णाममेगे पुण्णोभासी 4 / चत्तारि कुंभा प० तं० पुणे णाममेगे पुण्णरूवे, पुण्णे णाममेगे तुच्छरूवे 4 / एवामेव चत्तारि पुरिसजाया प० त० पुण्णे णाममेगे पुण्णरूवे 4 / चत्तारि कुंभा प० त० पुण्णेवि एगे पियढे, पुण्णेवि एगे अवदले, तुच्छेवि एगे पियढे, तुच्छेवि एगे अवदले / एवामेव चत्तारि पुरिसजाया प० तं० पुण्णेवि एगे पियढे 4 तहेव / चत्तारि कुंभा प० त० पुण्णेवि एगे विस्संदइ, पुण्णेवि एगे णो विस्संदइ, तुच्छेवि एगे विस्मंदइ, तुच्छेवि एगे णो विस्संदइ / एवामेव चत्तारि पुरिसजाया प० तं. पुण्णेवि एगे विस्संदइ 4 तहेव / चत्तारि कुंभा प० तं० भिण्णे जज्जरिए परिस्साई अपरिस्साई / एवामेव चउबिहे चरित्ते प० तं० भिण्णे जाव अपरिस्साई / चत्तारि कुंभा प० तं० महुकुंभे णाममेगे महप्पिहाणे महुकुंभे णाममेगे विसपिहाणे विसकुंभे णोममेगे महुप्पिहाणे विसकुंभे णाममेगे विसपिहाणे / एवामेव चत्तारि पुरिसजाया 4 हिययमपावमकलुमं जीहाऽत्रि य महुरभासिणी णिचं, जंमि पुरिसंमि विज्जइ से महुकुंभे महुपिहाणे (1) हिययमपावमकलुसं, जीहाऽवि य कडुयभासिणी णिचं, जंमि पुरिसंमि विज्जइ, से महुकंभे विसपिहाणे (2) जं हिययं कलुसमयं जीहाऽवि य महुरभासिणी णिचं, जमि पुरिसंमि विज्जइ, से विसकुंभे महुपिहाणे (3) जं हि ययं कलुसमय; जीहाऽवि य कडुयभासिणी णिचं, जंमि पुरिसंमि विज्जइ, से विसकुंभे विसपिहाणे (4) // 167 // चउविहा उवसग्गा प० तं० दिव्वा माणुसा तिरिक्खजोणिया आयसंचेयणिज्जा / दिव्वा उसग्गा चउव्विहा प० तं० हासा पाओमा वीमंसा पुढोवेमाया / माणसा उवसग्गा चउव्विहा प० तं० हाता पाओसा वीमंसा कुसीलपडिसेवणया / तिरिकात्रजोणिया उवसग्गा चउव्विहा प० त० भया पदोसा आहारहेउं अवच्चलेणसारकवणया / आयसंचेयणिजा उसग्गा चउव्विहा प० तं० घट्टणया पवडणया थंभणया लेसणया // 168 / चउविहे कम्मे प० तं० सुभे णामं एगे सुभे, सुभे णाममेगे
