________________ 260 अंग-पविट्ट सुत्ताणि तं० अप्पणो णाममेगे पत्तियं करेइ णो परस्स, परस्स णाममेगे पत्तियं करेइ णो अप्पणो 4 / चत्तारि पुरिसजाया प० तं. पत्तियं पवेसामित्ति एगे पत्तियं पवेसेइ, पत्तियं पवेसामित्ति एगे अप्पत्तियं पवेसेइ, अप्पत्तियं पवेसामित्ति एगे पत्तियं पवेसेइ, अप्पत्तिय पवेसामित्ति एगे अप्पत्तियं पवेसेइ / चत्तारि पुरिसजाया प० तं० अप्पणो णाममेगे पत्तिय पवेसेइ णो परस्स 4 // 95 // चत्तारि रुक्खा प० तं० पत्तोवए पुप्फोवए फलोवए छायोवए, एवामेव चत्तारि पुरिसजाया प० तं० पत्तो वा रुक्ख. समाणे पुप्फो वा रुक्वसमाणे फलो वा रुकावसमाणे छायो वा रुक्खसमाणे // 16 // भारं णं वहमाणस्स चत्तारि आसासा प० तं० जत्थ णं अंसाओ अंसं साहरइ तत्थ वि य से एगे आसासे पण्णत्ते, जत्थ वि य णं उच्चारं वा पासवणं वा परिठावेइ तत्थ वि य से एगे आसासे प०, जत्थ वि य णं णागकुमारावासंसि वा सुवण्णकुमारावासंसि वा वासं उवेइ तत्थ वि य से एगे आसासे प०, जत्थ वि य णं आवकहाए चिट्ठइ जाव आसासे प० / एवामेव समणोवासगस्स चत्तारि आसासा प० तं. जत्थ वि य णं सीलन्वयगुणव्वयवेरमणपञ्चक्खाणपोसहोववासाई पडिवज्जइ तत्थ वि य से एगे आसासे प०, जत्थ वि य णं सामाइयं देसावगासियं सम्ममणुपालेइ तत्थ वि य से एगे आसासे प०, जत्थ वि य णं चाउद्दस. ट्ठमुहिट्ठपुण्णमासिणीसु पडिपुण्णं पोसहं सम्मं अणुपालेइ तत्थ वि य से एगे आसासे प०, जत्थ वि य णं अपच्छिममारणंतियसंलेहणाजूसणाजूसिए भत्तपाणपडिया. इक्खिए पाओवगए कालमणवकंखमाणे विहरइ तत्थ वि य से एगे आसासे प० // 97 // चत्तारि पुरिसजाया प० तं. उदिओदिए णाममेगे, उदियत्थमिए णाममेगे, अत्थमिओदिए णाममेगे, अत्थमियत्थमिए णाममेगे / भर हे राया चाउरंतचक्कवट्टी णं उदिओदिए, बंभदत्ते णं राया चाउरंतचक्कवट्टी उदियत्थमिए, हरिएसबलेणमणगारे अत्थमिओदिए, काले णं सोयरिए अत्थमियत्थमिए // 18 // चत्तारि जुमा प० त० कडजुम्मे तेयोए दावरजुम्मे कलिओए / णेरइयाणं चत्तारि जुमा प० तं० कडजुमे जाव कलिओए, एवमसुरकुमाराणं जाव थणियकुमाराणं, एवं पुढविकाइयाणं आउतेउवाउवणस्सइ बेंदियाणं तेंदियाणं चउरिदियाणं पंचिं. दियतिरिक्खजोणियाणं मणुस्साणं वाणमंतरजोइसियाणं वेमाणियाणं सव्वसिं जहा णेरइयाणं // 99 // चत्तारि सूरा प० त० खंतिसूरे तवसूरे दाणसूरे जुद्धसूरे,
