________________ 254 अंग-पविट्ट सुत्ताणि देवकुरुउत्तरकुरुवज्जाओ चत्तारि अकम्मभूमीओ प० तं० हेमवए एरण्णवए हरिवासे रम्मगवासे, चत्तारि वट्टवेयड्डपव्वया प० तं० सद्दावई वियडावई गंधावई मालवंतपरियाए / तत्थ णं चत्तारि देवा महिड्डिया जाव पलिओवमठिईया परि. वसंति तं० साई पभासे अरुणे पउमे / जंबुद्दीवे दीवे महाविदेहेवासे चउबिहे प० तं० पुव्वविदेहे, अवरविदेहे, देवकुरा, उत्तरकुरा / सव्वेवि णं णिसढणीलवंतवासहरपव्वया चत्तारि जोयणसयाइं उर्दू उच्चत्तेणं, चत्तारि गाउयसयाई उबेहेणं प० / जंबुद्दीवे दीवे मंदरस्स पब्वयस्स पुरत्थिमेणं सीयाए महाणईए उत्तरकृले चत्तारि वक्खारपव्वया प० तं० चित्तकूडे पम्हकूडे णलिणकडे एगसेले। जंबूमंदरपुरस्थिमेणं सीयाए महाणईए दाहिणकूले चत्तारि पक्वारपव्वया प० तं० तिकूडे वेसमणकूडे अंजणे मायंजणे / जंबूमंदरस्स पञ्चत्थिमेणं सीओयाए महाणईए दाहिणकूले चत्तारि वक्खारपव्वया प० तं० अंकावई पम्हावई आसीविसे सुहावहे / जंबूमंदरस्स पञ्चत्थिमेणं सीओयाए महाणईए उत्तरकुले चत्तारि वखारपव्वया प० तं० चंदपव्वए सूरपव्वए देवपव्वए णागपव्वए / जंबुद्दीवे दीवे मंदरस्स पव्वयस्स चउसु विदिसासु चत्तारि वक्खारपब्वया प० तं. सोमणसे विज्जुप्पभे गंधमायणे मालवंते / जंबुद्दीवे दीवे महाविदेहे वासे जहण्णपए चत्तारि'अरिहंता, चत्तारि चक्कवट्टी, चत्तारि बलदेवा, चत्तारि वासुदेवा, उप्पजिंसु वा उप्पाजंति वा उप्पजिस्संति वा। जंबुद्दीवे दीवे मंदरे पव्वए चत्तारि वणा प० तं० भद्दसालवणे, णंदणवणे, सोमणसवणे, पंडगवणे / जंबूमंदरपव्वयपंडगवणे चत्तारि अभिसेगसिलाओ प० तं. पंडुकंबलसिला, अइपंडुकंबलसिला, रत्तकंबलसिला, अइरत्तकंबलसिला / मंदरचूलि. या णं उवरिं चत्तारि जोयणाई विक्खंभेणं पण्णत्ता / एवं धायइखंडदीवपुरथिमद्धेवि कालं आई करित्ता जाव मंदरचूलियत्ति / एवं जाव पुक्खरवरदीवपच्चत्थिमद्धे जाव मंदरचूलियत्ति, जंबूद्दीवगआवस्सगं तु कालाओ चूलिया जाव धायइखंडे पुक्ग्वरवरे य पुव्वावरे पासे / जंबूद्दीवस्स णं दीवस्स चत्तारि दारा प० तं० विजए वेजयंते जयंते अपराजिए, ते णं दारा चत्तारि जोयणाई विक्खंभेणं तावइयं चेव पवेसेणं प०, तत्थ णं चत्तारि देवा महिड्डिया जाव पलिओवमठिईया परिवसंति तं० विजए वेजयंते जयंते अपराजिए // 81 // जंबुद्दीवे दीवे मंदरस्स पव्वयस्स दाहिणेणं चुल्लहिमवंतस्स वासहरपव्वयस्स चउसु विदिसासु लवणसमुहं तिण्णि तिणि जोयण
