________________ सूयगडो सु. 2 अ. 7 195 लोगपलिमंथत्ताए चिट्ठइ, जे खलु समणं वा माहणं वा णो परिभासइ मित्ति मण्णंति आगमित्ता णाणं आगमित्ता दंसणं आगमित्ता चरित्तं पावाणं कम्माणं अकरणयाए से खलु परलोगविसुद्धीए चिट्ठइ / तए णं से उदए पेढालपुत्ते भगवं गोयमं अणाढायमाणे जामेव दिसिं पाउन्भूए तामेव दिसिं पहारेत्थ गमणाए / भगवं च णं उदाह आउसंतो उदगा! जे खलु तहाभूयस्स समणस्स वा माहणस्स वा अंतिए एगमवि आरियं धम्मियं सुवयणं सोचा णिसम्म अप्पणो चेव सुहुमाए पडिलेहाए अणुत्तरं जोगखेमपय लम्भिए समाणे सो वि ताव तं आढाइ परिजाणेइ वंदइ णमंसइ सक्कारेइ सम्माणेइ जाव कल्लाणं मंगलं देवयं चेइयं पज्जुवासइ / तए णं से उदए पेढाल पुत्ते भगवं गोयमं एवं वयासी-ए एसिं णं भंते ! पदाणं पुट्विं अण्णाणयाए असवणयाए अबोहिए अणभिगमेणं अदिट्ठाणं असुयाणं अमुयाणं अविण्णायाणं अब्बोगडाणं अविगूढाणं अविच्छिण्णाणं अणिसिट्ठाणं अणिवुढाणं अणुवहारियाणं एयमढे णो सद्दहियं णो पत्तिय णो रोइयं / एए सिं णं भंते ! पदाणं एहि जाणयाए सवणयाए बोहिए जाव उवहारणयाए एयमद्वं सद्दहामि पत्तियामि रोए मि एव. मेव से जहेयं तुब्भे वयह / तए णं भगवं गोयमे उदयं पेढालपुत्तं एवं वयासी सहहाहि णं अज्जो ! पत्तियाहि णं अजो ! रोएहि णं अज्जो ! एवमेयं जहा णं अम्हे वयामो / तए णं से उदए पेढालपुत्ते भगवं गोयम एवं वयासी-इच्छामि णं भंते ! तुब्भं अंतिए चाउज्जामाओ धम्माओ पंचमहव्वइयं सपडिकमणं धम्म उवसंपजित्ता णं विहरित्तए / तए णं से भगवं गोयमे उदयं पेढालपुत्तं गहाय जेणेव समणे भगवं महावीरे तेणेव उवागच्छइ, उवागच्छित्ता तए णं से उदए पेढालपुत्ते समणं भगवं महावीरं तिक्खुत्तो आयाहिणं पयाहिणं करेइ, तिक्खुत्तो आयाहिणं पयाहिणं करित्ता वंदइ णमंसइ वंदित्ता णमंसित्ता एवं वयासी-इच्छामि णं भंते तुम्भं अंतिए चाउज्जामाओ धम्माओ पंचमहब्वइयं सपडिक्कमणं धम्म उवसंपजित्ता णं विहरित्तए / तए णं समणे भगवं महावीरे उदयं एवं वयासी-अहासुह देवाणुप्पिया ! मा पडिबंधं करेहि / तए णं से उदए पेढालपुत्ते समणस्स भगवओ महावीरस्स अंतिए चाउज्जामाओ धम्माओ पंचमहव्वइयं सपडिक्कमणं धम्म उव. संपज्जित्ता णं विहरइ त्ति बेमि // 14 / / // सूयगडं समत्तं॥
