Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1441

1428 अंग-पविट्ठ सुत्ताणि से महाबले राया अण्णया कयाइ पुरिमताले णयरे उस्सुक्कं जाव दसरत्तं पमोयं उग्घोसावेइ 2 ता कोडुंबियपुरिसे सद्दावेइ 2 ता एवं वयासी-गच्छह णं तुम्भे देवाणुप्पिया ! सालाडवीए चोरपल्लीए तत्थ गं तुब्भे अभग्गसेणं चोर. सेणावई करयल जाव एवं व०-एवं खलु देवाणुप्पिया ! पुरिमताले णयरे महाबलस्स रण्णो उस्सुक्के जाव दसरत्ते पमोए उग्घोसिए तं कि पं देवाण. प्पिया ! विउलं असणं 4 पुष्फवस्थगंधमल्लालंकारे य इहं हब्बमाणिज्जउ उदाहु सयमेव गच्छित्ता? तए णं ते कोडंबियपुरिसा महाबलस्त रणो करयल जाव पडिसुणेति 2 त्ता पुरिमतालाओ णयराओ पडि० गाइविकिहिं अद्धाणेहि सुहेहि वसहिपायरासेहि जेणेव सालाडवी चोरपल्ली तेणेव उवागच्छंति 2 अभग्गसेणं चोरसेणावई करयल जाव एवं वयासी-एवं खलु देवाण प्पिया ! पुरिमताले णयरे महाबलस्स रणो उस्सुक्के जाव उदाहु सयमेव गच्छित्ता ? तए णं से अभग्गसेणे चोरसेणावई ते कोडंबियपुरिसे एवं वयासी-अहं गं देवाणुप्पिया ! पुरिमतालणयरं सयमेव गच्छामि / ते कोडुंबियपुरिसे सक्कारेइ..... पडिविसज्जेइ / तए णं से अभग्गसेणे चोरसेणावई बहूहि मित्त जाव परिवुडे हाए जाव सव्वालंकारविभूसिए सालाडवीमो चोरपल्लीओ पडिणिक्ख. मइ 2 ता जेणेव पुरिमताले णयरे जेणेव महाबले राया तेणेव उवागच्छइ 2 त्ता करयल० महाबलं रायं जएणं विजएणं वद्धावेइ 2 त्ता महत्थं जाव पाहुडं उवणेइ / तए णं से महाबले राया अभग्गसेणस्स चोरसेणावइस्स तं महत्थं जाव पडिच्छइ, अभग्गसेणं चोरसेणावई सक्कारेइ संमाणेइ पडि विसज्जेइ कूडा. गारसालं च से आवसहं दलयइ / तए णं से अभग्गसेणे चोरसेणावई महाबलेणं रण्णा विसज्जिए समाणे जेणेव कूडागारसाला तेणेव उवागच्छइ / तए णं से महाबले राया कोडुंबियपुरिसे सद्दावेइ 2 त्ता एवं वयासी-गच्छह गं तुभे देवाणुप्पिया ! विउलं असणं पाणं खाइमं साइमं उवक्खडावेह 2 त्ता तं विडलं असणं 4 सुरं च 6 सुबहुं पुप्फवत्थगंधमल्लालंकारं च अभग्गसेणस्स चोरसेणावइस्स कूडागारसालाए उवणेह। तए णं ते कोडुबियपुरिसा करयल जाव उवणेति / तए णं से अभग्गसेणे चोरसेणावई बहूहि मित्तणाइ जाव सद्धि संपरिवडे व्हाए जाव विभूसिए तं विउलं असणं 4 सुरं च 6 आसाएमाणे 4 पमत्ते विहरइ / तए णं से महाबले राया कोडुबियपुरिसे सद्दावेइ 2 ता एवं वयासी-गच्छह