________________ विवागसुयं सु. 1 अ. 3 1423 जणवयं बहूहि गामघाएहि य गरघाएहि य गोग्गहणेहि य बंदिग्गहणेहि य पंथकोहि य खत्तखणणेहि य ओवीलेमाणे 2 विद्धंसेमाणे 2 तज्जेमाणे 2 ताले. माणे 2 णित्थाणे णिखणे णिक्कणे करेमाणे विहरइ / महब्बलस्स रण्णो अभिक्खणं 2 कप्पायं गेण्हइ / तस्स णं विजयस्स चोरसेणावइस्स खंदसिरी णामं भारिया होत्था अहीण / तस्स णं विजयचोरसेणावइस्स पुत्ते खंदसिरीए भारियाए अत्तए अभग्गसेणे णामं दारए होत्था अहीणपुण्णपंचिदियसरीरे विण्णयपरिणयमेत्ते जोव्वणगमणपत्ते / तेणं कालेणं तेणं समएणं समणे भगवं महावीरे पुरिमताले णयरे समोसढे परिसा णिग्गया राया णिग्गओ धम्मो कहिओ परिसा राया य पडिगओ। तेणं कालेणं तेणं समएणं समणस्स भगवओ महावीरस्स जेठे अंतेवासी गोयमे जाव रायमग्गं समोगाढे, तत्थ णं बहवे हत्थी पासइ बहवे आसे पुरिसे सण्णद्धबद्धकवए, तेसिं गं पुरिसाणं मज्झगयं एगं पुरिसं पासइ अवओडय जाव उग्घोसिज्जमाणं, तए णं तं पुरिसं रायपुरिसा पढमंसि चच्चरंसि णिसीयावेंति २त्ता अट्ट चल्लपिउए अग्गओ घाएंति 2 ता कसप्पहारेहि तालेमाणा कलणं कागणिमंसाइं खावेंति खावेत्ता रुहिरप्पाणियं च पाएंति तयाणंतरं च णं दोच्चंसि चच्चरंसि अट्ट चल्लमाउमाओ अग्गओ घाएंति एवं तच्चे चच्चरे अट्ठ महापिउए चउत्थे अट्ठ महामाउयाओ पंचमे पुत्ते छठे सूण्हा सत्तमे जामाउया अट्ठमे धूयाओ गवमे गत्तुया दसमे गत्तईओ एक्कारसमे णत्तयावई बारसमे णतुइणीओ तेरसमे पिउस्सियपइया चोद्दसमे पिउस्सियाओ पण्णरसमे माउसियापइया सोलसमे माउस्सियाओ सत्तरसमे मामियाओ अट्ठारसमे अवसेसं मित्तणाइणियगंसयणसंबंधिपरियणं अग्गओ घाएंति 2 ता कसप्पहारेहि तालेमाणा 2 कलणं कागणिमसाई खावेंति 2 रुहिरपाणियं च पाएंति // 15 // तए णं से भगवं गोयमे तं पुरिसं पासइ 2 ता इमे एयारूवे अज्झथिए समुप्पण्णे जाव तहेव णिग्गए एवं वयासी-एवं खलु अहं गं भंते ! तं चेव जाव से गं भंते ! पुरिसे पुत्वभवे के आसी जाव विहरइ ? एवं खलु गोयमा ! तेणं कालेणं तेणं समएणं इहेव जंबुद्दीवे दीवे भारहे वासे पुरिमताले णाम णयरे होत्था रिद्ध० / तत्थ गं पुरिमताले णयरे उदिओदिए णामं राया होत्था महया० / तत्थ गं पुरिमताले णिण्णए णामं अंडयवाणियए होत्था अड्ढे जाव अपरिभूए अहम्मिए जाव दुप्पडियाणंदे, तस्स णं णिण्णयस्स
