________________ पण्हावागरणं सु. 1 अ.२ 1367 8 अणुज्जगं 9 कक्कणा य 10 वंचणा य 11 मिच्छापच्छाकडं च 12 साई उ 13 उच्छण्णं 14 उक्कलं च 15 अट्ट 16 अन्मक्खाणं च 17 किब्बिसं .18 वलयं 19 गहणं च 20 मम्मगं च 21 णमं 22 णिययी 23 अप्प. च्चओ 24 अममओ 25 असच्चसंधत्तणं 26 विवक्खो 27 अवही(आणाइ)यं 28 उवहिअसुद्धं 26 अवलोवोत्ति 30, भविय तस्स एयाणि एवमाईणि णामधेज्जाणि होति तीस सावज्जस्स अलियस्स वइजोगस्स अणेगाइं // 6 // तं च पुण वयंति केई अलियं पावा असंजया अविरया कवडकुडिलकडुय. चडल भावा कुद्धा लद्धा भया य हस्सट्टिया य सक्खी चोरा चारभडा खंडरक्खा जियजूईकरा य गहियगहणा कक्ककुरुगकारगा कुलिंगी उहिया वाणियगा य कडतुलकडमाणी कुडकाहावणोवजीवी पडगारकलायकारुइज्जा वंचणपरा चारियचाडयारणगरगृत्तियपरिचारगा दुट्ठवायिसूयकअणबलमणिया य पुव्वकालियवयणदच्छा साहमिया लहुस्सगा असच्चा गारविया असच्चट्ठावणाहिचित्ता उच्चच्छंदा अणिग्गहा अणियत्ता छंदेण मक्कवाया भवंति अलियाहि जे अविरया / अवरे पत्थिंगवाइणो वामलोकवादी भणंति णस्थि जीवो ण जाइ इह परे वा लोए ण य किचिवि फुसइ पुष्णपावं. पत्थि फलं सुकयदुक्कयाणं पंच. महाभयं सरीरं भासंति हे ! वायजोगजत्तं, पंच य खधे भणंति केई, मणं च मणजीविया वयंति, वाउजीबोत्ति एवमाहंसु, सरीरं साइयं सणिणं इहभवे एगे भवे तस्स विपणासंमि सव्वणासोति, एवं जपंति मुसावाई, तम्हा दाणवयपोसहाणं तवसंजमबंभचेरकल्लाणमाइयाणं णत्थि फलं णवि य पाणवह लियवयणं ण चेव चोरिक्ककरणपरदारसेवणं वा सपरिग्गहपावकम्मकरणं-पि णस्थि किचि ण णेरइयतिरियमणयाण जोणी ण देवलोगो वा अस्थि ण य अस्थि सिद्धिगमणं अम्मापियरो णस्थि णचि अस्थि पुरिसकारा पच्चक्खाणमवि णस्थि गवि अस्थि कालमच्चू य अरिहंता चक्कवट्टी बलदेवा वासुदेवा पत्थि णेवस्थि केड रिसओ धम्मांधम्मफलं च गवि अस्थि किंचि बहुयं च थोवकं वा, तम्हा एवं विजाणिऊण जहा सुबहु इंदियामकलेसु सम्वविसएसु वह णस्थि काइ किरिया वा अकिरिया वा एवं भणंति पत्थिगवाइणो वामलोयवाई। इमंपि बिईयं कुदंसर्ण असब्भाववाइणो पण्णवेंति मूढा-संभूओ अंडकाओ लोको सयंभणा सयं च णिम्मिओ, एवं एवं अलियं पयावइणा इस्सरेण य कयंति केई,
