________________ 1362 अंग-पविट्ठ सुत्ताणि य अट्ठाए पुढवि हिसंति मंदबुद्धिया जलं च मज्जणयपाणभोयणवत्थधोवणसोयमादिएहि पयणपयावणजलावविदंसहि अर्गाण, सुप्पवियणतालयंटपेहुणमुहकरयलसागपत्तवत्थमादिएहि अणिलं, अगारपरियारभक्ख भोयणसयणासणफलगमसल उक्खलततविततातोज्जवहणवाहणमंडव-विविह-भवण-तोरणविडंगदेवकुलजालयद्धचंदणिज्ज हग-चंद सालियवेतियणिस्सेणिदोणि चंगेरिखील मेढकसभापवावसहगधमल्लाणुलेवण अंबरजयणंगल मइय कुलिय-संदणसीयारहसगड. जाणजोग्गअट्ट लगचरिअदारगोपुरफलिहाजंतसूलियलउडमुसंढिसयग्घिबहुपहरणावरणवक्ख राण कए अगणेहि य एवमाइएहि बहहि कारणसएहि हिसति ते तरुगणे भणिया भणिए य एवमाई / सत्ते सत्तपरिवज्जिया उवहणंति दढमूढा दारुणमई कोहा माणा माया लोमा हस्स-रई अरई सोय वेयत्थी जीयकामस्थ. धम्महेउं सवसा अवसा अट्टा अणटाए य तसपाणे थावरे य हिंसंति मंदबुद्धी सवसा हणंति अवसा हणंति सवसा अवसा दुहओ हणंति अट्ठा हणंति अणट्ठा हणंति अट्ठा अणटा दुहओ हणति हस्सा हणंति वेरा हणंति रईय हणंति हस्स. वेरारई य हणंति कुद्धा हणंति लद्धा हणंति मुद्धा हणंति कुद्धा लद्धा मुद्धा हणंति अत्था हणंति धम्मा हति कामा हणंति अत्था धम्मा कामा हणंति // 3 // कयरे ते ? जे ते सोयरिया मच्छबंधा साउणिया वाहा करकम्मा वाउरिया दीवियबंधणप्पओगतप्पगलजालवीरल्लगायसीदभवग्गराकडछेलिहत्थाहरिएसा. साउणिया य वीदंसगपासहत्था वणचरगा लुद्धगा य महुघातपोतघाया एणीयारा पएणियारा सरदहदीहिअसलागपल्ललपरिगालणमलणसोत्तबंधणसलिला. सयसोसगा विसगरस्स य दायगा उत्तणवल्लरदवग्गिणिद्दयपलीवका कूरकम्म. कारी इमे य बहवे मिलक्ख जाई, के ते ? सकजवणसबरबब्बरगायमरुंडोद. भडगतित्तियपक्कणियकुलक्खगोडसीहलपारसकोंचंधदविल बिल्ललपुलिदअरो. सडोंबपोक्कणगंधहारगबहलीयजल्लरोममासबउसमलया चंचया य चूलिया कोंकणगामेतपणहवमालवमहुरआभासियअणक्कचीणल्हासियखसखासिया णेहुरमरहटमट्ठियआरबडोबिलगकुहणकेकयहुणरोमगरुरुमरुगा चिलायविसयवासी य पावमतिणो जलयरथलयरसणप्फतोरगखहचरसंडासतोंडजीवोवग्घायजीवी सण्णी य असणिणो य पज्जत्ता असुमलेस्सपरिणामा एए अण्णे य एवमाई करेंति पाणाइवायकरणं पावा पावाभिगमा पावरुई पाणवहकयरई पाणवहरूवाण.
