Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1360

अंतगडदसाओ व. 8 1347 चउत्थं० 2 छ० 2 चउत्थं० 2 एवं एकोत्तरियाए वड्ढीए आयंबिलाई वड्ढंति च उत्थंतरियाई जाव आयंबिलसयं करेइ 2 चउत्थं करेइ / तए णं सा महासेण. कण्हा अज्जा आयंबिलवड्डमाणं तवोकम्मं चोद्दसहि वासेहिं तिहि य मासेहि वीसहि य अहोरत्तेहिं अहासुत्तं जाव सम्मं काएणं फासेइ जाव आराहित्ता जेणेव अज्जचंदणा अज्जा तेणेव उवा० 2 ता अ० अ० वंदइ णमंसइ वंदित्ता णमंसित्ता बहूहि चउत्थ जाव भावेमाणी विहरइ, तए णं सा महासेणकण्हा अज्जा तेणं उरालेणं जाव उवसोभेमाणी चिट्ठइ / तए णं तीसे महासेणकण्हाए अज्जाए अण्णया कयाइं पुव्वरत्तावरत्तकाले चिता जहा खंदयस्स जाव अज्जचदणं आपुच्छइ जाव संलेहणा० कालं अणवकंखमाणी विहरइ। तए णं सा महासेणकण्हा अज्जा अज्जचंदणाए अज्जाए अंतिए सामाइयमाइयाई एक्कारस अंगाई अहिज्जित्ता बहुपडिपुण्णाई सत्तरस वासाइं परियायं पालइत्ता मासियाए संलेहणाए अप्पाणं झसित्ता सट्टि भत्ताई अणसणाए छदित्ता जस्सट्टाए कीरइ जाव तमढें आराहेइ आराहित्ता चरिमउस्सासणीसासेहि सिद्धा बुद्धा० / अट्ठ य वासा आई एक्कोंत्तरियाए जाव सत्तरस / एसो खलु परियाओ सेणिय. भज्जाणं णायव्वो // 1 // एवं खलु जंबू ! समणेणं भगवया महावीरेणं आदि. गरेणं जाव संपत्तेणं अट्ठमस्स अंगस्स अंतगडदसाणं अयमढे पण्णत्ते // 26 // अंतगडदसाणं अंगस्स एगो सुयखंधो अट्ठवग्गा अट्ठसु चेव दिवसेसु उहिसिज्जति, तत्थ पढमबिइयवग्गे दस दस (अट्ठ) उद्देसगा तइयवग्गे तेरस उद्देसगा चउत्थपंचमवग्गे दस दस उद्देसगा छट्ठवग्गे सोलस उद्देसगा सत्तमवग्गे तेरस उद्देसगा अट्ठमवग्गे दस उद्देसगा सेसं जहा गायधम्मकहाणं // 27 // // अंतगडदसाओ समत्ताओ / /