________________ अंतगडदसाओ व. 4 1327 माहणस्स कल्लं जाव जलते अयमेयारूवे अब्भत्थिए 4 समुप्पण्णे-एवं खलु कण्हे वासुदेवे अरहं अरिटणेमि पायवंदए णिग्गए तं णायमेयं अरहया विण्णायमयं अरहया सुयमेयं अरहया सिटुमेयं अरया भविस्सइ कण्हस्स वासुदेवस्स, तं ण णज्जइ गं कण्हे वासुदेवे ममं केणवि कुमारेणं मारिस्सइतिकट्ट भीए 4 सयाओ गिहाओ पडिणिक्ख मइ, कण्हस्स वासुदेवस्स बारवई गरि अणप्पपविसमाणस्स पुरओ सपक्खि सपडिदिसि हव्वमागए। तए णं से सोमिले माहणे कण्हं वासुदेवं सहसा पासेत्ता भीए 4 ठियए चेव ठिइ भेयं कालं करेइ धरणितलंसि सव्वंगहि धसत्ति संणिवडिए, तए गं से कण्हे वासुदेवे सोमिलं माहणं पासह 2 ता एवं वयासी-एस गं भो देवाणप्पिया ! से सोमिले माहणे अपत्थियपत्थिए जाव परिवज्जिए जेणं ममं सहोयरे कणीयसे भायरे गयसुकुमाले अणगारे अकाले चेव जीवियाओ ववरोविए तिकट्ट सोमिलं माहणं पाहि कड्ढावेइ 2 ता तं भूमि पाणिएणं अन्भोक्खावेइ 2 त्ता जेणेव सए गिहे तेणेव उवागए सयं गिहं अंणप्पविठे / एवं खलु जंबू ! जाव अटमस्स अंगस्स अंतगडदसाणं तच्चस्स वग्गस्स अट्टमज्झयणस्स अयमलें पण्णत्ते // 6 // णवमस्स उखेवओ, एवं खलु जंबू ! तेणं कालेणं तेणं समएणं बारवईए णयरीए जहा पढमए जाव विहरइ / तत्थ गं बारवईए-बलदेवे णामं राया होत्था वण्णओ, तस्स गं बलदेवस्स रणो धारिणी णामं देवी होत्था वण्णओ, तए ण सा धारिणी सीहं सुमिणे जहा गोयमे णवरं सुमहे णामं कुमारे पण्णासं कण्णाओ पण्णासओ दाओ चोइसपुवाई अहिज्जइ वीसं वासाइं परियाओ सेसं तं चेव जाव सेत्तंजे सिद्धे णिक्खेवओ। एवं दुम्महेवि कूवदारए वि, तिण्णि वि बलदेवधारिणीसुया, दारुएवि एवं चेव, गवरं वसुदेवधारिणीसुए / एवं अणाहिट्ठी-वि वसुदेवधारिणीसुए, एवं खल जंबू ! समणेणं जाव संपत्तेणं अट्ठमस्स अंगस्स अंतगडदसाणं तच्चस्स वग्गस्स तेरसमस्स अज्झयणस्स अयमठे पण्णत्ते // 7 // . चउत्थो वग्गो .. जइ गं भंते ! समणेणं जाव संपत्तेणं ...अं० तच्चस्स वग्गस्स अयमठे, पण्णत्ते चउत्थस्स णं भं० व. अं० स० जाव सं० के अट्ठे पण्णते ? एवं खल जंब ! समणेणं जाव संपत्तेणं चउत्थस्स वग्गस्स अं० दस अज्झयणा
