________________ अंतगडदसाओ व. 3 1321 गमेसी देवे सुलसाए गाहावइणीए अणुकंपणट्टयाए सुलसं गाहावइणि तुमं च गं दो.वि समउउयाओ करेइ, नए गं तुब्भे दो वि सममेव गन्भे गिण्हह सममेव गन्भे परिवहह सममेव दारए पयायह / तए णं सा सुलसा गाहा. वइणी विणिहायमावणे दारए पयायइ, तए णं से हरिणेगमेसी देवे सुलसाए अणुकपणट्ठाए विणिहायमावण्णए दारए करयलसंपुडेणं गेण्हइ 2 ता तव अंतियं साहरइ तं समयं च णं तुमंपि णवण्हं मासाणं० सुकुमालदारए पसवसि, जेवि य णं देवाणप्पिए ! तव पुत्ता तेवि य तव अंतियाओ करयलसंपुडेणं गेण्हइ 2 ता सुलसाए गाहावइणीए अंतिए साहरइ, तं तव चेव णं देवई ! एए पुत्ता णो चेव सुलसाए गाहावड़णीए, तए णं सा देवई देवी अरहओ अरिट्रणे मिस्स अंतिए एयमट्ठं सोच्चा णिसम्म हट्टतुटू जाव हियया अरहं अरिटमि वंदइ णमंसह वं० 2 ता जेणेव ते छ अणगारा तेणेव उवा. गच्छइ 2 ता ते छप्पि अणगारा वंदइ णमंसइ वं० 2 ता आगयपण्णहुया पप्पुयलोयणा कंचयपडिक्खित्तया दरियवलयबाहा धाराहयकलंबपुप्फगंविव समूससियरोमकूवा ते छप्पि अणगारे अणिमिसाए विट्ठीए पेहमाणी 2 सुचिरं णिरिक्खइ 2 ता वंदइ णमंसइ वं० 2 ता जेणेव अरिहा अरिटणेमी तेणेव उवागच्छइ 2 ता अरहं अरिट्ठणेमि तिक्खुत्तो आयाहिणपयाहिणं करेइ 2 ता वंदइ णमंसह वं० 2 त्ता तमेव धम्मियं जाणं दुरुहइ 2 ता जेणेव बारवई णयरी तेणेव उवागच्छइ 2 ता बारवई णरि अणुप्पविसइ 2 ता जेणेव सए गिहे जेणेव बाहिरिया उवटाणसाला तेणेव उवागच्छइ 2 ता धम्मियाओ जाणप्पवराओ पच्चोरुहइ 2 त्ता जेणेव सए वासघरे जेणव सए सणिज्जे तेणेव उवागच्छइ उवागच्छित्ता सयंसि सयणिज्जसि णिसीयइ, तए णं तीसे देवईए देवीए अयं अज्झथिए 4 समप्पण्णे-एवं खलु अहं सरिसए जाव णल. कुब्बरसमाणे सत्त पुत्ते पयाया, णो चेव णं मए एगस्स वि बालत्तणए समु. भए, एस वि य णं कण्हे वासुदेवे छण्हं छह मासाणं ममं अंतियं पायवंदए हव्वमागच्छइ, तं धण्णाओ णं ताओ अम्माओ जासि मण्णे णियगकुच्छिसंभूयाई थणदुखलुद्धयाई महुरसमुल्लावयाई मंमणपपियाइं थणमूलकक्खदेस. भागे अभिसरमाणाई मुद्धयाई पुणो य कोमलकमलोवमेहि हत्थेहि गिहिऊण उच्छंगि णिवेसियाई देति समल्लावए सुमहुरे पुणो 2 मंजुलप्पमणिए
