________________ 1306 अंग-पविट्ट सुत्ताणि देवाणुप्पिया ! महाणिज्जामए ?' 'समणे भगवं महावीरे महागिज्जामए'। से केणट्टेणं०? ' ' एवं खलु देवाणुप्पिया ! समणे भगवं महावीरे संसारमहा. समद्दे बहवे जीवे णस्समाणे विणस्समाणे जाव विलुप्पमाणे वडमाणे णिवड्माणे उप्पियमाणे धम्ममईए णावाए णिवाणतीराभिमहे साहत्थि संपावेइ, से तेणठेणं देवाणप्पिया ! एवं वच्चइ-समणे भगवं महावीरे महाणिज्जामए' // 56 // तए णं से सद्दालपुत्ते समणोवासए गोसालं मंखलिपुत्तं एवं वयासी'तुब्भे गं देवाणप्पिया! इयच्छेया जाव इयणिउणा इयणयवादी इयउवएसलद्धा इयविण्णाणपत्ता, पभू गं तुब्भे मम धम्ममायरिएणं धम्मोवएसएणं समणेणं भगवया महावीरेणं सद्धि विवादं करेत्तए ?' 'णो इणठे समठे' / ' से केणठेणं देवाणुप्पिया ! एवं वच्चइ-णो खलु पभू तुम्भे मम धम्मायरिएणं जाव महावीरेणं सद्धि विवादं करेत्तए ?' 'सहालपुत्ता ! से जहाणामए केइ पुरिसे तरुणे जुगवं जाव णिउणसिप्पोवगए एगं महं अयं वा एलयं वा सूयरं वा कुक्कुडं वा तित्तिरं वा वट्टयं वा लावयं वा कवोयं वा कविजलं वा वायसं वा सेणयं वा हत्थंसि वा पायंसि वा खुरंसि वा पुच्छंसि वा पिच्छंसि वा सिंगंसि वा विसाणंसि वा रोमंसि वा जहि-हिं गिण्हंइ तहि-तहिं णिच्चलं णिप्फंद धरेइ, एवामेव समणे भगवं महावीरे ममं बहूहि अठेहि य हेऊहि य जाव वागरणेहि य जहि हि गिण्हइ तहि तहिं णिप्पटुपसिणवागरणं करेइ, से तेण. ठेणं सद्दालपुत्ता ! एवं बच्चइ-णो खलु पभू अहं तव धम्मायरिएणं जाव महावीरेणं सद्धि विवादं करेत्तए' // 57 // तए णं से सद्दालपुत्ते समणोवासए गोसालं मंखलिपुत्तं एवं वयासी-'जम्हा णं देवाणुप्पिया ! तुब्भे मम धम्मा. यरियस्स जाव महावीरस्स संतेहि तच्चेहि तहिएहिं समाहि भावेहि गुणकित्तणं करेह तम्हा णं अहं तुन्भे पाडिहारिएणं पीढ जाव संथारएणं उवणिमंतेमि, णो चेव णं धम्मोत्ति वा तवोत्ति वा, तं गच्छह णं तुब्भे मम कुम्भारावणेसु पाडिहारियं पीढ फलग जाव ओगिण्हित्ताणं विहरह। तए णं से गोसाले मंखलिपुत्ते सद्दालपुत्तस्स समणोवासयस्स एयमलैं पडिसुणेइ, पडिसुणेत्ता कुम्भारावणेसु पाडिहारियं पीढ जाव ओगि. हित्ता णं विहरइ / तए णं से गोसाले मंखलिपुत्तं सदालपुत्तं समणोवासयं जाहे णो संचाएइ बहूहि आघवणाहि य पण्णवाणहि य सणवणाहि य विष्ण
