________________ उवासगदसाओ अ. 6 1297 चामि / तए णं से चुल्लसयए समणोवासए जाव विहरइ / तए णं से देवे चल्लसयगं समणोवासयं चउत्थं पि एवं वयासी-हं भो चल्लसयगा ! समणो. वासया ! जाव ण भंजसि तो ते अज्ज जाओ इमाओ छ हिरण्णकोडीओ णिहाणपउत्ताओ, छ वडिपउत्ताओ, छ पवित्थरपउत्ताओ ताओ साओ गिहाओ णोणेमि, णीणेत्ता आलभियाए णयरीए सिंघाडग जाव पहेसु सव्वओ समंता विप्पइरामि, जहा गं तुम अदुहट्टवसट्टे अकाले चेव जीवियाओ ववरोविज्जसि // 36 // तए णं से चुल्लसयए समणोवासए तेणं देवेणं एवं वृत्त समाणे अभीए जाव विहरइ / तए गं से देवे चुल्लसयगं समणोवासयं अभीयं जाव पासित्ता दोच्चंपि तच्चपि तहेव भणइ जाव ववरोविज्जसि / तए णं तस्स चुल्लसयगस्स तेणं देवेणं दोच्चपि तच्चपि एवं वृत्तस्स समाणस्स अयमेयारूवे अज्झथिए 5 'अहो णं इमे पुरिसे अणारिए जहा चुलणीपिया तहा चितेइ जाव कणीयसं जाव आयंचइ, जाओऽवि य णं इमाओ ममं छ हिरण्णकोडीओ णिहाणपउत्ताओ छ वडिपउत्ताओ छ पवित्थरपउत्ताओ ताओऽवि य गं इच्छइ ममं साओ गिहाओ जीणेत्ता आलभियाए णयरीए सिंघाडग-जाव विप्पइरित्तए, त सेयं खलु ममं एयं पुरिसं गिहित्तए तिकट्ट उद्धाइए जहा सुरादेवो तहेव भारिया पुच्छइ तहेव कहेइ / सेसं जहा चुलणीपियस्स जाव सोहम्मे कप्पे अरुणसिट्टे विमाणे उववणे, चत्तांरि पलिओवमाइं ठिई / सेसं तहेव जाव महाविदेहे वासे सिज्झिहिइ [5] // ३७॥णिक्खेवो // || पंचमं अज्झयर्ण समत्तं / / कुण्डकोलिए णामं छठें अज्झयणं छट्ठस्स उक्खेवओ / एवं खलु जम्बू ! तेणं कालेणं तेणं समएणं कपिल्लपुरे णयरे / सहसम्बवणे उज्जाणे / जियसत्तू राया / कुण्डकोलिए गाहावई / पूमा भारिया / छ हिरण्णकोडीओ णिहाणपउत्ताओ, छ वृड्डिपउत्ताओ, छ पवित्थर. पउत्ताओ, छ वया दसगोसाहस्सिएणं वएणं / सामी समोसढे / जहा कामदेवो तहा सावयधम्म पडिवज्जइ / सच्चेव वत्तव्वया जाव पडिलाभमाणे विहरइ // 38 // तए णं से कुण्डकोलिए समणोवासए अण्णया कयाइ पुवावरहकाल. समयंसि जेणेव असोगवणिया जेणेव पुढविसिलापट्टए तेणेव उवागच्छइ, उवा.
