________________ उवासगदसाओ अ. 4 1295 पिया समणोवासए पढम उवासगपडिमं उवसंपज्जित्ता गं विहरइ, पढम उवा. सगपडिमं अहासुतं जहा आणंदो जाव एक्कारसवि। तए गं से चुलणीपिया समणोवासए तेणं उरालेणं जहा कामदेवो जाव सोहम्मे कप्पे सोहम्मवडिसगस्स महाविमाणस्स उत्तरपुरस्थिमेणं अरुणप्पभे विमाणे देवत्ताए उववणे / चत्तारि पलिओवमाई ठिई पण्णत्ता / महाविदेहे वासे सिज्झिहिइ 5 // 30 // णिक्खेवो। / / तइयं अज्झयणं समत्तं // सुरादेवे णामं चउत्थं अज्झयणं उक्खेवओ चउत्थस्स अज्झयणस्स / एवं खल जम्बू ! तेणं कालेणं तेणं समएणं वाणारसी णामं णयरी / कोट्ठए चेइए / जियसत्तू राया। सुरादेवे गाहावई, अड्ढे (जाव अपरिभूए) / छ हिरण्णकोडीओं जाव छ वया दसगोसाहस्सिएणं वएणं / धण्णा भारिया / सामी समोसढे / जहा आणंदो तहेव पडिवज्जइ गिहिधम्मं / जहा कामदेवो जाव समणस्स भगवओ महावीरस्स धम्मपत्ति उवसम्पज्जित्ताणं विहरइ // 31 // तए णं तस्स सुरादेवस्स समणोवासयस्स पुस्वरत्तावरत्तकालसमयंसि एगें देवे अंतियं पाउडमवित्था / से देवे एग महं णीलप्पल जाव असि गहाय सुरादेवं समणोवासयं एवं वयासी-हं भो सुरादेवा समणोवासया ! अपत्थियपत्थिया 4 जइ गं तुमं सीलाई जाव ण भंजसि तो ते जेठं पुत्तं साओ गिहाओ जीणेमि, णोणेत्ता तव अग्गओ घाएमि, घाएत्ता पंच मंस सोल्लए करेमि, (2 ता) आदाणभरियसि कडाहयंसि अद्दहेमि, अद्द. हेत्ता तव गायं मंसेण य सोगिएण य आयंचामि, जहा गं तुमं अकाले चेव जीवियाओ ववरोविज्जसि / एवं मज्झिमयं, कणीयसं, एक्केक्के पंच सोल्लया, तहेव करेइ, जहा चुलणीपियस्स, णवरं एक्केक्के पंच सोल्लया। तए णं से देवे सुरादेवं समणोवासयं चउत्थं पि एवं वयासी-हं भो सुरादेवा ! समणोवासया! अपस्थियपत्थिया 4 जाव ण परिच्चय (भंज) सि तो ते अज्ज सरीरंसि जमग. समगमेव सोलस रोगायके पक्खिवामि, तंजहा-सासे, कासे जाव कोढे, जहा गं तुमं अदृदुहट्ट जाव ववरोविज्जसि / तए णं से सुरादेवे समणोवासए जाव . विहरइ / एवं देवो दोच्चपि तच्चपि भणइ जाव ववरोविज्जसि // 32 //
