________________ 1292 अंग-पविट्ठ सुत्ताणि उवजिहिइ ? गोयमा ! महाविदेहे वासे सिज्झिहिइ (जाव सव्वदुक्खा०) // 24 // णिक्खेवो / / बीयं अज्झयणं समत्तं / / चुलणीपिया णामं तइयं अज्झयणं उवखेवो तइयस्स अज्झयणस्स / एवं खलु जंबू ! तेणं कालेणं तेण समएणं वाणारसी णामं णयरी (होत्था), कोटुए चेइए, जियसत्त राया। तत्थ णं वाणारसीए णयरीए चुलणीपिया णाम गाहावई परिवसइ, अड्ढे जाव अपरिभूए। सामा भारिया। अट्ठ हिरण्णकोडीओ णिहाणपउत्ताओ, अटु वुड्डिपउत्ताओ अटु पवित्थरपउत्ताओ, अट्ट वया दसगोसाहस्सिएणं वएणं, जहा आणंदो राईसर जाव सव्वकज्जवड्ढावए यावि होत्था / सामी समोसड्ढे, परिसा णिग्गया, चलणी. पियावि जहा आणंदो तहा णिग्गओ, तहेव गिहिधम्म पडिवज्जइ / गोयमपुच्छा तहेव सेस जहा कामदेवस्स जाव पोसहसालाए पोसहिए बम्मयारी समणस्स भगवओ महावीरस्स अंतियं धम्मपत्ति उवसंपज्जित्ताणं विहरइ // 25 // तए णं तस्स चलणीपियस्स समणोवासयस्स पुवरत्तावरत्तकालसमयंसि एगे देवे अंतियं पाउब्भूए / तए णं से देवे एगं (मह) णीलुप्पल जाव अमि गहाय चुलणी पियं समणोवासयं एवं वयासी-हं भो चुलणीपिया ! समणोवासया ! जहा कामदेवो जाव ण भंजसि तो ते अहं अज्ज जेठं पुत्तं साओ गिहाओ णीमि, णोणेत्ता तव अग्गओ घाए मि, घाएत्ता तओ मंससोल्ले करेमि, करेत्ता आदाणभरियसि कडाहयंसि अद्दहेमि, अद्दहेत्ता तव गायं मंसेण य सोणिएण य आयचामि, जहा गं तुमं अट्टदुहट्ट वसट्टे अकाले चेव जीवियाओ ववरोविज्जसि // 26 // तए णं से चलणीपिया समणोवासए तेणं देवेणं एवं वृत्ते समाणे अभीए जाव विहरइ / तए णं से देवे चुलणीपियं समणोवासयं अभीयं जाव पासइ, पासित्ता दोच्चपि तच्चपि चुलणीपियं समणोवासयं एवं वयासी-हं भो चलणीपिया ! समणोवासया ! तं चेव भणइ, सो जाव विहरइ / तए णं से देवे चलणीपियं समणोवासयं अभीयं जाव पासित्ता आसुरुत्ते 5 जुलणीपियस्स समणोवासयस्स जेठं पुत्तं गिहाओ जीणे इ, णीणेत्ता अग्गओ पाएइ, घाएत्ता तओ मंससोल्लए करेइ, करेत्ता आदाणभरियसि कडाहयंसि अद्दहेइ, अद्दहेत्ता चलणीपियस्स समणोवासयस्स गायं मंसेण य सोणिएण य आयंचई। तए
