________________ 1284 अंग-पविट्ठ सुत्ताणि पडिणिक्ख मित्ता अतुरियमचवलमसम्भंते जुगंतरपरिलोयणाए दिट्ठीए पुरओ ई (इ)रियं सोहेमाणे जेणेव वाणियगामे णयरे तेणेव उवागच्छइ, उवागच्छित्ता वाणियगामे णयरे उच्चणीयमज्झिमाई कुलाई घरसमुदाणस्स भिक्खायरियाए अडइ / तए णं से भगवं गोयमे वाणियगामे णयरे जहा पण्णत्तीए तहा जाव भिक्खायरियाए अडमाणे अहापज्जत्तं भत्तपाणं सम्म पडिग्गाहेइ, पडिग्गाहित्ता वाणियगामाओ पडिणिग्गच्छइ पडिणिग्गच्छित्ता कोल्लायस्स सणिवेसस्स अदूरसामंतेणं वीईवयमाणे बहुजणसई णिसामेइ / बहुजणो अण्णमण्णस्स एवमाइक्ख इ ४-'एवं खलु देवाणुप्पिया ! समणस्स भगवओ महावीरस्स अंतेवासी आणंदे णाम समणोवासए पोसहसालाए अपच्छिम जाव अणवकख. माणे विहरइ'। तए गं तस्स गोयमस्स बहुजणरस अंतिए एयमलैं सोच्चा णिसम्म अयमेयारूवे अज्झथिए ४-'तं गच्छामि णं आणंदं समणोवास पासामि' एवं संपेहेइ, संपेहिता जेणेव कोल्लाए सण्णिवेसे जेणेव आणंदे समणोनासए जेणेव पोसहसाला तेणेव उवागच्छह / तए णं से आणंदे समणो. वासए भगवं गोयमं एज्जमाणं पासइ, पासित्ता हट्ठ जाव हियए भगवं गोयमं वंदइ णमंसइ, वंदित्ता णमंसित्ता एवं वयासी-'एवं खलु भंते ! अहं इमेणं उरालेणं जाव धमणिसंतए जाए, णो संचाएमि देवा. णुप्पियस्स अंतियं पाउन्भवित्ता गं तिक्खुत्तो मुद्धाणेणं पाए अभिवंदित्तए, तुडमे णं भंते ! इच्छाकारेणं अणभिओएणं इओ चेव एह, जाणं देवाणुप्पियाणं तिक्खुत्तो मुद्धाणेणं पाएसु वंदामि णमंसामि' तए णं से भगवं गोयमे जेणेव आणंदे समणोवासए तेणेव उवागच्छइ // 13 / / तए णं से आणंदे समणोवासए भगवओ गोयमस्स तिक्खुत्तो मुद्धाणेणं पाएसु वंदइ णमंसइ, वंदित्ता णमंसित्ता एवं वयासी-' अस्थि णं भंते ! गिहिणो गिहिमज्झावसंतस्स ओहिणाणे समप्पज्जइ ?' हंता अस्थि / जइ णं भंते ! गिहिणो जाव समुप्पज्जइ, एवं खल भंते ! ममवि गिहिणो गिहिमज्झावसंतस्स ओहिणाणे समप्पण्णेपुरस्थिमेणं लवणसमुद्दे पंच जोयणसयाइं जाव लोलयच्चयं णरयं जाणामि पासामि / तए णं से भगवं गोयमे आणंदं समणोवासयं एवं वयासी-' अस्थि णं आणंदा ! गिहिणो जाव समुप्पज्जइ, णो चेव गं एमहालए, तं गं तुम
