________________ 1280 अंग-पविट्ठ सुत्ताणि यरियव्वा, तंजहा-मणदुप्पणिहाणे, वयदुप्पणिहाणे, कायदुप्पणिहाणे, सामाइ. यस्स सइअकरणया, सामाइयस्स अणवट्टियस्स करणया / तयाणंतरं च णं देसावगासियस्स समणोवासएणं पंच अइयारा जाणियव्वा ण समायरियव्वा, तंजहा-आणवणप्पओगे, पेसवणप्पओगे, सद्दाणुवाए, रूवाणुवाए, बहिया पोग्गलपवखवे 10 / तयाणंतरं च णं पोसहोववासस्स समणोवासएणं पंच अइया। जाणियब्वा ण समायरियव्वा, तंजहा-अप्पडिलेहियदुप्पडिलेहियसिज्जासंथारे, अप्पमज्जियदुप्पमज्जियसिज्जासंथारे, अप्पडिलेहियदुप्पडिलेहियउच्चारपास. वणभमी, अप्पमज्जियदुप्पमज्जियउच्चारपासवणभूमी, पोसहोववासस्स सम्म अणणुपालणया 11 / तयाणंतरं च •णं अहासंविभागस्स समणोवासएणं पंच अइयारा जाणियव्वा ण समायरियन्वा, तंजहा-सचित्तणिक्खेवणया, सचित्तपिहणया, कालाइक्कमे, परो(र)ववदेसे, मच्छरिया 12 / तयाणंतरं च णं अपच्छिममारणंतियसलेहणाझूसणाराहणाए पंच अइयारा जाणियव्वा ण समायरियव्वा, तंजहा-इहलोगासंसप्पओगे, परलोगासंसप्पओगे, जीवियासंसप्पओगे, मरणा. संसप्पओगे, कामभोगासंसप्पओगे 13 // 6 // तए णं से आणंदे गाहावई सम. णस्स भगवओ महावीरस्स अंतिए पंचाणवइयं सत्तसिक्खावइयं दुवालसविहं सावयधम्म पडिवज्जइ, पडिवज्जित्ता समणं भगवं महावीरं वंदइ णमंसइ, वदित्ता णमंसित्ता एवं वयासी-गो खलु मे भंते ! कप्पइ अज्जप्पमिई अण्णउत्थिए वा अण्णउत्थियदेवयाणि वा अण्णउत्थिय परिग्गहियाणि वा वदित्तए वा णमंसित्तए वा, पुचि अणालतेणं आलवित्तए वा संलवित्तए वा, तेसि असणं वा पाणं वा खाइमं वा साइमं वा दाउं वा अणप्पदाउं वा, णण्णत्थ रायाभिओगेणं गणामिओगेणं बलाभिओगेणं देवयाभिओगेणं गरुणिग्गहेणं वित्तिकतारेणं। कप्पड़ मे समणे णिगंथे फासुएणं एसणिज्जेणं असणपाणखाइमसाइमेणं क्थपडिग्गहकम्बलपायपुंछणेणं पीढकलगसिज्जासंथारएणं ओसहभेसज्जेण य पडिलाभेमाणस्स विहरित्तए' तिकट्ट इम एयारूवं अभिग्गहं अभिगिण्हइ, अभिगिहित्ता पसिणाइं पुच्छइ, पुच्छित्ता अट्ठाई आदियइ, आदिइत्ता समणं भगवं महावीरं तिक्खुत्तो वंदइ, वंदित्ता समणस्स भगवओ महावीरस्स अंतियाओ दूइपलासाओ चेइयाओ पडिणिक्खमइ, पडिणिक्खमित्ता जेणेव वाणियगामे णयरे जेणेव सए गिहे तेणेव उवा. गच्छइ, उवागच्छित्ता सिवर्णदं भारियं एवं वयासी-' एवं खलु देवाणुप्पिए !
