________________ णायाधम्मकहाओ व. 5-7 1271 देवी रूयाणंदा रायहाणी रूयगवडेंसए भवणे रूयगंसि सोहासणंसि जहा कालीए तहा णवरं पुवभवे चंपाए पुण्णभद्दे चेइए. रूयगगाहावई रूयगसिरी भारिया रूया दारिया सेसं तहेव गवरं भयाणंदअग्गमाहिसित्ताए उववाओ देसूर्ण पलिओवमं ठिई / णिक्खेवओ। एवं खल सुरूया वि रूयंसा वि रूय. गावई वि रूयकता वि रूयप्पमा वि / एयाओ चेव उत्तरिल्लागं इंदाणं भाणियवाओ जाव महाघोसस्स / णिक्खेवओ चउत्थवग्गस्स // 154 // पंचमवग्गस्स उक्खेवओ / एवं खलु जंबू ! जाव बत्तीसं अज्झयणा पण्णत्ता तंजहा-कमला कमलप्पमा चेव, उप्पला य सुदंसणा / रूववई बहुरूवा, सुरूवा सुभगा वि य // 1 // पुण्णा बहपुत्तिया चेव, उत्तमा भारिया वि य / पउमा वसुमई चेव, कणगा कणगप्पभा // 2 // वडेंसा केऊमई चेव, वइरसेणा रइप्पिया। रोहिणी णवमिया चेव, हिरी पुप्फवई(ति) वि य // 3 / / भुयगा भयगवई चेव, महाकच्छाऽपराइया / सुघोसा विमला चेव, सुस्सरा य सरस्सई // 4 // उक्खेवओ पढमज्झयणस्स / एवं खलु जंबू ! तेणं कालेणं तेणं समएणं रायगिहे समोसरणं जाव परिसा पज्जवासइ / तेणं कालेणं तेणं समएणं कमला देवी कमलाए रायहाणीए कमलवडेंसए भवणे कमलसि सीहा. सणंसि सेसं जहा कालीए तहेव णवरं पुस्वभवे णागपुरे जयरे सहसंबवणे उज्जाणे कमलस्स गाहावइस्स कमलसिरीए मारियाए कमला दारिया पासस्स अंतिए णिक्खंता कालस्स पिसण्यकुमारिदस्स अगमहिसी अद्धपलिओवमं ठिई / एवं सेसा वि अज्झयणा दाहिणिल्लाणं वाणमंतरिदाणं भाणियवाओ ( सवाओ) णागपुरे सहसंबवणे उज्जाणे मायापियरो ध्या सरिसणामया ठिई अद्धपलिओवमं / पंचमो वग्गों समत्तो // 155 // छट्ठो वि वग्गो पंचमवग्गसरिसो णवरं महाकायाईणं उत्तरिल्लाणं इंदाणं अग्गमहिसीओ / पुत्रभवे सागेय णयरे उत्तरकुरुउज्जाणे मायापियरो ध्या सरिसणामया / सेसं तं चेव / छट्ठो वग्गो समतो // 156 // सत्तमस्स वग्गस्स उखेवओ। एवं खलु जंबू ! जाव चत्तारि अज्झयणा पण्णता तंजहा-सूरप्पभा आयवा अच्चिमाली पभंकरा / पढमज्झयणस्स उक्खेवओ। एवं खल जंबू ! तेणं कालेणं तेणं समएणं रायमिहे समोसरणं जाव परिसा पज्जवासइ / तेणं कालेणं तेणं समएणं सूरप्पभा देवी सूरंसि विमाणंसि सूरप्पमंसि सीहासणंसि सेसं जहा
