________________ णायाधम्मकहाओ व. 1 अ. 1 1263 आइगरेणं तित्थगरेणं सयंसंबुद्धणं जाव सिद्धिगइणामधेनं ठाणं संपत्तेणं एगणवीसहमस्म णायज्झयणस्स अयमठे पण्णत्ते / एवं खलु जंबू ! समणेणं भगवया महावीरेगं जाव सिद्धिगइ-णामधेज्जं ठाणं संपत्तेणं छट्ठस्स अंगस्स पढमस्स सुयक्खं धस्स अयमढे पण्णते ति बेमि / तस्स गं सुयक्खंधस्स एगण. वीसं अज्झयणाणि ए (क्क) गासरगाणि एगणवीसाए दिवसेसु समप्पंति / 146 / गाहाउ--वाससहस्सं पि जई काऊणं संजमं सुवि उलं पि। अंते किलिट्ठभावो ण विसुज्झइ कंडरी उत्व // 1 // अप्पेण वि कालेणं केइ जहागहियसीलसामण्णा। साहिति णिययकज्ज पुंडरीयमहारिसिव जहा // 2 // ॥एगूणवीसइमं अज्झयणं समत्तं // . // पढमो सुयक्खंधो समत्तो / / बीओ सुयवखंधो पढमो वग्गो-काली णामं पढमं अज्झयणं तेणं कालेणं तेणं ममएणं रायगिहे णाम णयरे होत्था वण्णओ / तस्स गं रायगिहस्स (णयरस्स) बहिया उत्तरपुरस्थिमे दिसीमाए तत्थ गं गण. सिलए चेइए णामं होत्था वण्णओ / तेणं कालेणं तेणं समएणं समणस्स भगवओ महावीरस्स अंतेवासी अज्जसुहम्मा णाम थेरा भगवंतो जाइसंपण्णा कुलसंपण्णा जाव चउद्दसपुव्वी चउणाणोवगया पंचहि अणगारसहिं सद्धि संपरिवुडा पुवाणपुटिव चरमाणा गामाणुगामं दुइज्जमाणा सुहंसुहेणं विहरमाणा जेणेव रायगिहे गयो जेणेव गुणसिलए चेइए जाव संजमेणं तवसा अप्पाणं भावेमाणा विहरति / परिसा णिगया धम्मो कहिओ, परिसा जामेव दिसि पाउन्भूया तामेव दिसि पडिगया / तेणं कालेणं तेणं समएणं अज्जसुहम्मस्स अणगारस्स अंतेवासी अज्ज जंबू णामं अणगारे जाव पज्जवासमाणे एवं वयासी-जइ पं भंते ! समणेणं (3) जाव संपत्तेणं छट्ठस्स अंगस्स पढमस्स सुयक्खधस्स णायसुयाणं अयमढ़े पण्णते दोच्चस्स गं भंते ! सुयक्खंधस्स धम्मकहाणं समणेणं० के अट्ठे पण्णत्ते ? एवं खलु जंबू ! समणेणं० धम्मकहाणं दस वग्गा पण्णता तंजहा-चमरस्स अग्गहिसीणं पढमे वग्गे, बलिस्स वइरोणिदस्स वइरोयणरण्णो अग्गमहिसीणं बीए वग्गे,
