Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1266

णायाधम्मकहाओ अ. 18 1253 तक्करे (चोर) सेणावई बहूणं चोराण य पारदारियाण य गंठिभेयगाण य संधिच्छेयगाण य खत्तखणगाण य रायावगारीण य अणधारगाण य बालघाय. गाण य वीसंभघायगाण य जयकाराण य खंड रक्खाण य अणेसि च बहूणं छिण्णभिण्णबाहिरायाणं कुडंगे यावि होत्था / तए णं से विजए (तक्करे) चोरसेणावई रायगिहस्स दाहिणपुरस्थिमं जणवयं बहूहिं गामघाएहि य णगरघाएहि य गोग्गहणेहि य बंदिग्गहणेहि य पंथकुट्टणेहि य खत्तखणणेहि य उवीलेमाणे 2 विद्धसेमाणे 2 णित्थाणं गिद्धगं करेमाणे विहरइ। तए ण से चिलाए दासचेडे रायगिहे णयरे बहूहि अथामिसंकीहि य चोज्जाभिसंकोहि य दाराभिसंकीहि य धणिएहि य जूइकरेहि य परब्भवमाणे 2 रायगिहाओ णगरीओ णिग्गच्छइ 2 ता जेणेव सीहगहा चोरपल्ली तेणेव उवागच्छइ 2 त्ता विजयं चोरसेणावई उवसंपज्जित्ताणं विहर इ / तए णं से चिलाएं दासचेडे विजयस्स चोरसेणावइस्स अग्गे असिलटिग्गाहे जाए यावि होत्था। जाहे वि य ज से विजए चोरसेणावई गामघायं वा जाव पंथकोट्टि वा काउं वच्चइ ताहे वि य णं से चिलाए दास. चेडे सुबहुपि (हु) कवियबलं हयमहिय जाव पडिसेहेइ [2] पुणरवि लद्धडे कयकज्जे अणहसमग्गे सोहगुहं चोरपल्लि हवमागच्छइ / तए णं से विजए चोरसेणावई चिलायं तक्करं बहओ चोरविज्जाओ य चोरमंते य चोरमा. याओ य चोरणिगडीओ य सिक्खावेइ / तए णं से विजए चोरसेणावई अण्णया कयाई कालधम्मणा संजुत्ते यावि होत्था। तए णं ताई पंच चोरसयाई विजयस्स चोरसेणावइस्स महया 2 इड्ढीसक्कारसमुदएणं णीहरणं करेंति त्ता 2 वहूई लोइयाई मयकिच्चाई करेंति 2 त्ता आव विगयसोया जाया यावि होत्था / तए गं ताई पंचचोरसयाई अण्णमण्णं सद्दावेंति 2 ता एवं वयासी-एवं खल अम्हं देवाणुप्पिया ! विजए चोरसेणावई कालधम्मणा संजुत्ते। अयं च णं चिलाए तक्करे विजएणं चोरसेणावइणा बहओ चोरविज्जाओ य जाब सिक्खा. विए / तं सेयं खल अम्हं देवाणप्पिया! चिलायं तक्करं सीहगुहाए चोरपल्लीए चोरसेणाव इत्ताए अभिसिचित्तए-त्तिकट्ट अण्णमण्णस्त एपमळं पडिसुर्णेति 2 त्ता चिलायं (तीए) सीहगुहाए [चोरपल्लीए चोरसेणावइत्ताए अभि. सिंचति / तए णं से चिलाए चोरसेणावई जाए अहम्मिए जाब विहर इ / तए णं से चिलाए चोरसेणावई चोरणायगे जाव कुडंगे यावि होत्था / से पं तत्थ सीहगुहाए चोरपल्लीए पंचण्हं चोरसयाण य एवं जहा विजओ तहेव सव्वं जाव