Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1256

णायाधम्मकहाओ अ. 16 1243 सक्कारेइ सम्माणेइ जाव पडिविसज्जेइ / तए णं सा कोंती देवी जाव पंडुस्स एयमलैं णिवेएइ / तए णं पंडू राया पंचपंडवे सद्दावेइ 2 ता एवं वयासीगच्छह णं तुम्भे पुत्ता ! दाहिणिल्लं वेयालि, तत्थ गं तुम्भे पंडुमहुरं णिवेसेह / तए णं ते पंच पंडवा पंडुस्स रणो जाव तहत्ति पडिसुणेति 2 ता सबलवाहणा हयगय० हस्थिणाउराओ पडिणिक्खमंति 2 ता जेणेव दक्खिणिल्ले वेयाली तेणेव उवागच्छंति 2 ता पंडुमहुरं गरि णिवेसेइ 2 ता तत्थ णं ते विपुल. भोगसमिइसमण्णागया यावि होत्था // 132 // तए णं सा दोवई देवी अण्णया कयाइ आवण्णसत्ता जाया यावि होत्था / तए णंसा दोवई देवी णवण्ह मासाणं जाव सुरूवं दारगं पयाया सूमालं णिवत्तबारसाहस्स इमं एयारूवं-जम्हा णं अम्हं एस दारए पंचण्हं पंडवाणं पुत्ते दोवईए देवीए अत्तए तं होउ अम्हं गं इमस्स दारगस्स णामधेज्ज पंडुसेणें / तए णं तस्स दारगस्स अम्मापियरो णामधेज्ज करेइ पंडसेणत्ति / बावरि कलाओ जाध अलंभोगसमत्थे जाए जवराया जाव विहरइ / थेरा समोसढा परिसा णिग्गया / पंडवा णिग्गया धम्म सोच्चा एवं वयासी-जं णवरं देवाणुप्पिया ! दोवई देवि आपुच्छामो पंडुसेणं च कुमारं रज्जे ठावेमो तओ पच्छा देवाणप्पियाणं अंतिए मुंडे भवित्ता जाव पव्वयाओ / अहासुहं देवाणुप्पिया ! तए णं ते पंच पंडवा जेणेव सए गिहे तेणेव उवागच्छंति 2 ता दोवइं देवि सहावेंति 2 ता एवं वयासी-एवं खल देवाणप्पिए ! अम्हेहि थेराणं अंतिए धम्मे णिसंते जाव पव्वयाओ, तुमं गं देवाणप्पिए / कि करेसि ? तए णं सा दोवई देवी ते पंच-पंडवे एवं वयासीजइ णं तब्भे देवाणप्पिया ! संसारभविग्गा जाव पव्वयह मम के अण्णे आलंबे वा जाव भविस्सइ ? अहं पि य गं संसारभउविग्गा देवाणप्पिएहि सद्धि पव्वइस्सामि / तए णं ते पंच-पंडवा पंडसेणस्स अभिसेओ जाव राया जाए जाव रज्जं पसाहेमाणे विहरइ / तए णं ते पंच-पंडवा दोवई य देवी अण्णया कयाइं पंडुसेणं रायाणं आपुच्छंति / तए णं से पंडसेणे राया कोडं. बियपुरिसे सद्दावेइ 2 ता एवं वयासी-खिप्पामेव भो! देवाणुप्पिया ! णिक्ख. मणाभिसेयं जाव उवट्ठवेह पुरिससहस्सवाहिणीओ सिवियाओ उवट्ठवेह जाव पच्चोरुहंति जेणेव थेरा जाव आलित्ते णं जाव समणा जाया चोहस्स पुवाई अहिज्जति 2 ता बहूणि वासाणि छट्ठमदसमदुवालसेहि मासद्ध मासखमहि