Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1241

1228 अंग-पविट्ठ सुत्ताणि बहवे रायसहस्सा तेणेव उवागच्छइ 2 ता तेसि वासुदेवपामोक्खाणं करयल जाव वद्धावेत्ता कण्हस्स वासुदेवस्स सेयवरचामरं गहाय उववीयमाणे चिट्ठइ // 124 // तए णं सा दोवई रायवरकण्णा जेणेव मज्जणघरे तेणेव उवागच्छइ 2 ता हाया कयबलिकम्मा कयकोउयमंगलपायच्छित्ता सुद्धप्पावेसाई मंगलाई वस्थाई पवरपरिहिया जिणपडिमाणं अच्चणं करेइ 2 ता जेणेव अंतेउरे तेणेव उवागच्छइ / तए गं तं दोवई रा० अंतेउरियाओ सव्वालंकारविभसियं करेंति, कि ते ? वरपायपत्तणेउरा जाव चेडियाचक्कवालमयहरविंदपरिक्खित्ता अंते उराओ पडिणिक्खमइ 2 ता जेणेव बाहिरिया उवट्ठाणसाला जेणेव चाउ. ग्घंटे आसरहे तेणेव उवागच्छइ 2 ता किड्डावियाए लेहियाए सद्धि चाउग्घंट आसरहं दुरूहइ। तए णं से धटुज्जणे कुमारे दोवईए रायवरकण्णाए सारत्थं करेइ / तए णं सा दोबई 2 कंपिल्लपुरं णयरं मझमज्झेणं जेणेव सयंवरमंडवे तेणेव उवागच्छइ 2 ता रहं ठवेइ रहाओ पच्चोरुहइ 2 ता किड्डावियाए लेहि याए सद्धि सयंवरमंडवं अणपविसइ करयल जाव तेसि वासुदेवपामोक्खाणं बहूणं रायवरसहस्साणं पणामं करेइ / तए.णं सा दोवई रा० एगं महं सिरिदामगंडं कि ते ? पाडलमल्लियचंपय जाव सत्तच्छयाईहि गंधद्धणि मयंतं परम. सुहफासं दरिसणिज्जं गेण्हइ / तए णं सा किड्डाविया जाव सुरूवा जाव वामहत्थेणं चिल्लगं दप्पणं गहेऊण सललियं दप्पणसंकंतबिंबसंदसिए य से दाहिणेणं हत्थेणं दरिसिए पवररायसीहे फुडविसयविसुद्धरिभियगंभीरमहरभणिया सा तेसि सवेसि पत्थिवाणं अम्मापिऊणं वंससत्तसामत्थगोत्तविक्कतिकतिबहुविहआगम. माहप्परूवजोवणगुणलावण्णकुलसीलजाणिया कित्तणं करेइ / पढमं ताव वहिपुंगवाणं दसदसार [वर] वीरपुरिसाणं तेलोक्कबलवगाणं सत्तसयसह. स्समाणावमद्दगाणं भवसिद्धिपवरपुंडरीयाणं चिल्लगाणं बलवीरियरूवजोव्वणलावण्णकित्तिया कित्तणं करेइ / तओ पुणो उग्गसेणमाईणं जायवाणं भणइ य सोहग्गरूवकलिए वरेहि वरपुरिसगंधहत्थीणं जो हु ते होइ हिययदइओ। तए णं सा दोबई रायवरकण्णगा बहूणं रायवरसहस्साणं मझमझेणं समइच्छमाणि 2 पुवकयणियाणेणं चोइज्जमाणी 2 जेणेव पंच पंडवा तेणेव उवागच्छइ 2 ता ते पंच पंडवे तेणं दसद्धवणेणं कुसुमदामेणं आवेढियपरि. वेढियं करेइ 2 ता एवं वयासी-एए णं मए पंच पंडवा वरिया। तए णं तेसि(ताई)वासुदेवपामोखाणं बहूणि रायसहस्साणि महया 2 सद्देणं उग्यो.