________________ णायाधम्मकहाओ अ. 16 1225 हियए तं दूयं सक्कारेइ सम्माणेइ स० 2 ता पडिविसज्जेइ / तए णं से कण्हे वासुदेवे कोडुंबियपुरिसे सद्दावेइ 2 ता एवं वयासी-गच्छह णं तुमं देवाणु. प्पिया ! सभाए सुहम्माए सामुदाइयं भेरि तालेहि / तए णं से कोडंबियपुरिसे करयल जाव कण्हस्स वासुदेवस्स एयमढं पडिसुणेइ 2 त्ता जेणेव सभाए सुहम्माए सामुदाइया भेरी तेणेव उवागच्छइ 2 ता सामुदाइयं भेरि महया 2 सद्देणं तालेइ / तए गं ताए सामुदाइयाए भेरीए तालियाए समाणीए समद्द. विजयपामोक्खा दस दसारा जाव महासेणपामोक्खाओ छप्पण्णं बलवगसाहस्सीओ व्हाया जाव विभूसिया जहाविभवइड्डिसक्कारसमुदएणं अप्पेगइया जाव पाय. विहारचारेणं जेणेव कण्हे वासुदेवे तेणेव उवागच्छंति 2 ता करयल जाव कण्हं वासुदेवं जएणं विजएणं वद्धाति / तए णं से कण्हे वासुदेवे कोडुंबियपुरिसे सद्दावेइ 2 ता एवं वयासी-खिप्पामेव मो देवाणुप्पिया! अभिसेक्क हत्थिरयणं पडिकप्पेह हयगय जाव पच्चप्पिणंति / तए णं से कण्हे वासुदेवे जेणेव मज्जण. घरे तेणेव उवागच्छइ 2 ता समतजालाकुलाभिरामे जाव अंजणगिरिकड. सणिभं गयवई गरवई दुरूढे / तए णं से कण्हे वासुदेवे समुद्दविजयपामोहि दसहि दसारेहि जाव अणंगसेणापामोक्खाहि अणेगाहिं गणियासाहस्सीहि सद्धि संपरितुडे सविड्ढीए जाव रवेणं बारवई परि मझमज्झेणं णिग्गच्छइ 2 ता सुरद्वाजणवयस्स मज्झमज्झेणं जेणेव देसप्पंते तेणेव उवागच्छइ 2 ता पंचालजणवयस्स मज्झमझेणं जेणेव कंपिल्लपुरे णयरे तेणेव पहारेत्थ गमणाए। तए णं से दुवए राया दोच्चं दूयं सद्दावेइ 2 ता एवं वयासी-गच्छ [ह] गं 'तुमं देवाणुप्पिया ! हत्थिणाउरं णयरं, तत्थ गं तुमं पंडुरायं सपुत्तयं जुहिदिल्लं भीमसेणं अज्जणं णउलं सहदेवं दुज्जोहणं भाइसयसमग्गं गंगेयं विदुरं दोणं जयद्दहं सउणीं कीवं आसत्थामं करयल जाव कटु तहेव समोसरह / तए णं से दूए एवं वयासी- जहा वासुदेवे णवरं भेरी णत्थि जाव जेणेव कंपिल्लपुरे णयरे तेणेव पहारेत्थ गमणाए / एएणेव कमेणं तच्च यं चंपाणार, तत्थ गं तुमं कण्हं अंगरायं सेल्लं गंदिरायं करयल तहेव जाव समोसरह / चउत्थं दूयं सुत्तिमई णार, तत्थ णं तुमं सिसुपालं दमघोससुयं पंचभाइसयसंपरिवडं करयल तहेव जाव समोसरह / पंचमगं यं हस्थिसीस. णयरं तत्थ णं तुमं दमदंतं रायं करयल तहेव जाव समोसरह / छठं यं
