Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1227

1214 अंग-पविट्ठ सुत्ताणि तिकट्ट धम्मरुइस्स अणगारस्स परिणिवाणवत्तियं काउस्सग्गं करेंति 0 धम्म. रुइस्स आयारभंडगं गेहति 2 ता जेणेव धम्मघोसा थेरा तेणेव उवागच्छंति 2 ता गमणागमणं पडिक्कमति 2 ता एवं वयासी-एवं खलु अम्हे तुमं अंति. याओ पडिणिक्खमामो 2 ता सुभूमिभागस्स उज्जाणस्स परिपेरतेणं धम्मरुइस्स अणगारस्स सव्वं जाव करेमाणे जेणेव थंडिल्ले तेणेव उवागच्छामो जाव इहं हव्वमागया, तं कालगए णं भंते ! धम्मरुई अणगारे इमे से आयारभंडए / तए णं ते धम्मघोसा थेरा पुव्वगए उवओगं गच्छंति 2 त्ता समणे णिग्गये णिग्गंथीओ य सद्दावेंति 2 ता एवं वयासी-एवं खलु अज्जो ! मम अंतेवासी धम्मरुई णाम अणगारे पगइभद्दए जांव विणीए मासंमासेणं अणिक्खित्तेणं तवोकम्मेणं जाव णागसिरीए माहणीए गिहे अणुपविठे। तए णं सा णाग. सिरी माहणी जाव णिसिरइ / तए णं से धम्मरुई अणगारे अहापज्जत्तमि. तिकट्ट जाव कालं अणवकंखमाणे विहरइ / से गं धम्मरुई अणगारे बहूणि वासाणि सामण्णपरियागं पाउणित्ता आलोइयपडिक्कते समाहिपत्ते कालमासे कालं किच्चा उड्ढे सोहम्म जाव सब्वट्ठसिद्ध महाविमाणे देवत्ताए उबवणे / तत्थ णं अजहण्णमणुक्कोसेणं तेत्तीसं सागरोवमाइं ठिई पण्णत्ता / तत्थ णं धम्मरुइस्स वि देवस्स तेत्तीसं सागरोवमाइं ठिई पण्णत्ता / से गं धम्मरुई देवे ताओ देवलोगाओ जाव महाविदेहे वासे सिज्झिहिइ // 113 // तं धिरत्य णं अज्जो ! णागसिरीए माहणीए अधण्णाए अपुण्णाए जाव णिबोलियाए जाए गं तहारूवे साहू साहुरूवे धम्मरुई अणगारे मासखमणपारणगंसि सालइएणं जाव गाढेणं अकाले चेव जीवियाओ ववरोविए / तए णं ते समणा णिग्गंथा धम्मघोसाणं थेराणं अंतिए एयमढें सोच्चा णिसम्म चंपाए सिंघाडग-तिग जाव बहुजणस्स एवमाइक्खंति ४-धिरत्थु गं देवाणुप्पिया ! णागसिरीए माहणीए जाव णिबोलियाए जाए गं तहारूवे साहू साहुरूवे सालइएणं जीवियाओ ववरोविए / तए गं तेसि समणाणं अंतिए एयमढे सोच्चा णिसम्म बहुजणो अण्णमण्णस्स एवमाइक्खइ एवं भासइ-धिरत्थु णं णागसिरीए माहणीए जाव जीवियाओ ववरोविए / तए णं ते माहणा चंपाए णयरीए बहु. जणस्स अंतिए एयभळं सोच्चा णिसम्म आसुरुत्ता जाव मिसिमिसेमाणा जेणेव णागसिरी माहणी तेणेव उवागच्छंति 2 ता णागसिरी माहणी एवं वयासी