________________ णायाधम्मकहाओ अ. 14 1205 तेयलिपुरं मझमज्झेणं जेणेव सए गिहे तेणेव पहारेत्थ गमणाए / तए णं तेयलि. पुत्तं जे जहा ईसर जाव पासंति ते तहा णो आढायंति णो परियाणंति णो अब्भुट्ठति णो अंजलि० इट्टाहिं जाव णो संलवंति णो पुरओ य पिट्ठओ य पासओ (य मग्गओ य) समणगच्छति / तए णं तेयलिपुत्ते जेणेव सए गिहे तेणेव उवा. गच्छइ / जा वि य से तत्थ बाहिरिया परिसा भवइ तंजहा-दासेइ वा पेसेइ वा भाइल्लएइ वा सा वि य णं णो आढाइ 3 / जा वि य से अभितरिया परिसा भवइ तंजहा-पियाइ वा मायाइ वा जाव सुण्हाइ वा सावि य णं णो आढाइ 3 तए णं से तेयलिपुत्ते जेणेव वासघरे जेणेव सए सयणिज्जे तेणेव उवागच्छइ २त्ता सयणिज्जसि णिसीयइ 2 ता एवं वयासी-एवं खल अहं सयाओ गिहाओ णिग्गच्छामि तं चेव जाव अभितरिया परिसा णो आढाइ णो परियाणाइ णो अन्भुढेइ / तं सेयं खलु मम अप्पाणं जीवियाओ ववरोवित्तए-तिकटु एवं संपेहेइ 2 ता तालउडं विसं आसगंसि पक्खिवइ, से य विसे णो संकमइ / तए णं से तेयलिपुत्ते [अमच्चे णीलुप्पल जाव असि खंधेसि ओहरइ, तत्थ वि य से धारा ओपल्ला / तए णं से तेयलिपुत्ते जेणेव असोगवणिया तेणेव उवा. गच्छइ 2 पासगं गीवाए बंधइ 2 त्ता रुक्खं दुरूहइ 2 त्ता पासं रुक्खे बंधइ 2 ता अप्पाणं मुयइ, तत्थ वि य से रज्जू छिण्णा। तए णं से तेयलिपुत्ते महइ. महालयं सिलं गीवाए बंधइ 2 ता अत्याहमतारमपोरिसियंसि उदगंसि अप्पाणं मयइ, तत्थ वि से थाहे जाए। तए णं से तेयलिपुत्ते सुक्कंसि तणकूडंसि अगणिकायं पक्खिवइ 2 ता अप्पाणं मुयइ, तत्थ वि य से अगणिकाए विज्झाए तए णं से तेयलिपुत्ते एवं वयासी-सद्धेयं खलु भो समणा वयंति, सद्धेयं खलु भो माहणा वयंति, सद्धेयं खलु भो समणा माहणा वयंति, अहं एगो असद्धेयं वयामि, एवं खलु अहं सह पुहिं अपुत्ते, को मेदं सद्दहिस्सई ? सह मित्तहिं अमित्ते, को मेदं सद्दहिस्सइ ? एवं अत्थेणं दारेणं दासेहि (पेसेहिं) परिजणेणं एवं खल तेलिपुत्तेणं अमच्चेणं कणगज्झएणं रण्णा अवज्झाएणं समाणेणं तेयलीपुत्तेणं अमच्चेणं तालपुडगे विसे आसगंसि पक्खित्ते, से वि य णो संक. मइ, को मेयं सद्दहिस्सइ ? तेयलिपुत्ते णीलुप्पल जाव खंधंसि ओहरिए, तत्थ वि य से धारा ओपल्ला, को मेदं सद्दहिस्सइ ? तेयलिपुत्तस्स पासगं गीवाए बंधेत्ता जाव रज्ज छिण्णा, को मेदं सहहिस्सइ ? तेयलिपुत्ते महासिलयं जाव बंधिता अत्थाह जाव उदगंसि अप्पा मुक्के, तत्थ वि य णं थाहे
