Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1210

णायाधम्मकहाओ अ.१४ 1197 णस्स 3 मम धम्मायरियस्स जाव संपाविउकामस्स / विपि य णं मए सम. णस्स 3 अंतिए थूलए पाणाइवाए पच्चक्खाए जाव थूलए परिग्गहे पच्चक्खाए। तं इयाणिपि तस्सेव अंतिए सव्वं पाणाइवायं पच्चक्खामि जाव सव्वं परिग्गहं पच्चवखामि जावज्जीवं सव्वं असणं 4 पच्चक्खामि जावज्जीवं जंपि य इमं सरीरं इठं कंतं जाव मा फुसंतु एयंपि गं चरिमेहि ऊसासेहि वोसिरामित्तिकटु / तए णं से दद्दुरे कालमासे कालं किच्चा जाव सोहम्मे कप्पे दद्दुर. वडिसए विमाणे उववायसभाए ददुरदेवत्ताए उववणे / एवं खलु गोयमा ! दद्दुरेणं सा दिव्वा देविड्ढी लद्धा 3 / ददुरस्स गं भंते ! देवस्स केवइयं कालं ठिई पण्णत्ता ? गोयमा ! चत्तारि पलिओवमाइंठिई पण्णता / से गं ददुरे देवे० महाविदेहे वासे सिज्झिहिइ बज्झिहिइ जाव अंतं करेहिइ / एवं खलु जंबू ! समणेणं भगवया महावीरेणं जाव संपत्तेणं तेरसमस्स णायज्झयणस्स अयमठे पण्णत्ते त्ति बेमि // 101 // गाहाउ-संपण्णगुणो वि जओ सुसाहुसंसग्गिवज्जिओ पायं। पावइ गुणपरिहाणि ददुरजीवोन्व मणियारो // 1 // तित्थयरपंदणत्थं चलिओ भावेण पावए सग्गं / जह वद्दुर. देवेणं पत्तं वेमाणियसुरत्तं // 2 // तेरसमं अज्झयणं समत्तं // तेयली णामं चोदसमं अज्झयणं जइ णं भंते ! समणेणं जाव संपत्तणं तेरसमस्स णायज्झयणस्स अयमठे पण्णत्ते चोद्दसमस्स * के अट्ठे पण्णत्ते ? एवं खलु जंबू ! तेणं कालेणं तेणं समएणं तेयलिपुरं णामं जयरं / पमयवणे उज्जाणे / कणगरहे राया। तस्स णं कणगरहस्स पउमावई देवी। तस्सं णं कणगरहस्स रणो तेयलिपुत्ते णामं अमच्चे सामदंड० तत्थ गं तेयलिपुरे कलादे णामं मूसियारदारए होत्था अड्ढे जाव अपरिभूए / तस्स णं भद्दा णाम भारिया। तस्स गं कलायस्स मूसियारदारयस्स धूया भद्दाए अत्तया पोट्टिला णामं दारिया होत्था रूवेण य जोवणेण य लावणेण य उक्किट्ठा उक्किट्ठसरीरा। तए णं सा पोट्टिला दारिया अण्णया कयाइ हाया सव्वालंकारविभूसिया चेडियाचक्कवालसंपरिवुडा उप्पि पासायवरगया आगासतलगंसि कणगमएणं तिदूसएणं कीलमाणी 2 विहरइ / इमं च णं तेयलिपुत्ते अमच्चे हाए आसखंधवरगए महया भडचडगरआसवाहणियाए णिज्जाय.