Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1182

णायाधम्मकहाओ अ. 8 1169 उवागच्छइ २त्ता करयल जाव पच्चप्पिणइ / तए णं मल्ली अरहा कल्लाल्लि जाव मागहओ पायरासो त्ति बहूणं सणाहाण य अणाहाण य पंथियाण य पहि. याण य करोडियाण य कप्पडियाण य एगमेगं हिरण्णकोडि अट्ट य अणुणाई सयसहस्साई इमेयारूवं अत्थसंपयाणं दलयइ। तए णं से कुंभए राया मिहि. लाए रायहाणीए तत्थ 2 तहिं 2 देसे 2 बहूओ महाणससालाओ करेइ / तत्थ गं बहवे मण्या दिण्णभइभत्तवेयणा विउलं असणं 4 उवक्खडेंति * जे जहा आगच्छंति तंजहा-पंथिया वा पहिया वा करोडिया वा कप्पडिया वा पासंडत्था वा निहत्था वा तस्स य तहा आसत्थस्स वीसत्थस्स सुहासणवरगयस्स तं विउलं असणं 4 परिभाएमाणा परिवेसेमाणा विहरंति / तए णं मिहिलाए सिंघाडग जाव बहुजणो अण्णमण्णस्स एवमाइक्खइ-एवं खलु देवाणप्पिया ! कुंभगस्स रण्णो भवणंसि सव्वकामगुणियं किमिच्छियं विपुलं असणं 4 बहूणं समणाण य जाव परिवेसिज्जइ / वरवरिया. घोसिज्जइ किमिच्छियं दिज्जए बहुविहीयं / सुरअसुरदेवदाणवारदमहियाण णिक्खमणे // 1 // तए गं मल्ली अरहा संवच्छरेणं तिणि कोडिसया अट्टासीइं च होंति कोडीओ असिइं च सय. सहस्साई इमेयारूवं अत्थसंपयाणं दलइत्ता णिक्खमामित्ति मणं पहारेइ // 3 // तेणं कालेणं तेणं समएणं लोगंतिया देवा बंभलोए कप्पे रिठे विमाणपत्यडे सहि 2 विमाणेहिं . सएहिं 2 पासायडिसएहि पत्तेयं 2 चहिं सामाणिय. साहस्सोहि तिहि परिसाहि सहि अणिएहि सतहि अणियाहिवाईहि सोलसहि आयरक्खदेवसाहस्सोहि अण्णेहि य बहूहि लोगंतिएहिं देवेहिं सद्धि संपरिडा .महयाहयणट्टगीयवाइय जाव रवेणं भुजमाणा विहरंति तंजहा-सारस्सयमाइच्चा वण्ही वरुणा य गद्दतोया य / तुसिया अव्वाबाहा अगिच्चा चेव रिट्ठा य // 1 // तएशंतेसि लोयंतियाणं देवाणं पत्तेयं 2 आसणाइ चलंति तहेव जाव अरहताणं णिषखममाणाणं संबोहणं करेत्तए-त्ति तं गच्छामो णं अम्हे वि मल्लिस्स अरहओ संबोहणं करेमि-त्तिकट्ट एवं संपेहेंति 2 ता उत्तरपुरच्छिमं दिसीभायं० वेउन्वियसमुग्घाएणं समोहणंति * संखिज्जाई जोयणाई एवं जहा जंभगा जाव जेणेव मिहिला रायहाणी जेणेव कुंभगस्स रण्णो भवणे जेणेव मल्ली अरहा तेणेव उवागच्छंति. 2 ता अंतलिक्खपडिवण्णा सखिखिणियाई जाव वत्थाई पवरपरिहिया करयल जाव ताहि इटाहिं जाव एवं वयासी-बुज्झाहि भगवं!